BT

Jæja nú er ekkert sem heitir lengur

2006-01-09T18:28:00.000Z

og skólinn er byrjaður. Ég hafði það þrusugott öll jólin, náði meirað segja að bæta aðeins á mig held ég bara. Skólinn leggst bara vel í mig og ég er spenntur að fá að takast á við eitthvað nýtt. Það er ekkert gaman að taka sömu önnina tvisvar þar sem maður ekki að sjá eitthvað nýtt.

Það var ansi margt sem ég náði að gera með því að sleppa lokaverkefninu sem ég var að vísu búinn að ná í fyrra. Planið var að fara aftur í það til þess að læra meira en fjárhagsstaðan leyfði það engan veginn. Ég náði í fyrsta lagi að halda gleðileg jól og í öðru lagi keypti ég mér nýjan bíl. Það er mjög gott að ljúka því af strax en annars hefði ég þurft að skila Getzinum í byrjun marz og þá að finna mér nýjan bíl. Skólinn hefði ekki boðið uppá það tímalega séð.

Áramótaheiti og ekki heiti, ég er farinn í grennslu. Það er svo kellingalegt að segja megrun svo ég kalla það grennslu, það seinasta sem ég vil er að láta bendla mig við er að vera kellingalegur... Planið er að missa 25 kíló og líta út eins og prik (ekki Prikið heldur bara eitthvað prik). Samkvæmt mínum útreikningum ætti ég að vera dönn um miðjan maí. Á þessu fæði má alveg gera ráð fyrir að ég missi kíló á viku og mér reiknast það þannig út að einhvern tíman í maí verði ég tilbúinn. Ég og Örvar vinnufélagi minn erum í veðmáli hver missir meira og ég er nokkuð sigurviss þar sem hann hikar ekki við að fá sér sveitt hamborgaratilboð þegar honum hentar. Sá sem tapar þarf að borga fyrir hinn golfhring uppá Kiðjabergi fullar 18 holur, leigja golfbíl og kaupa bjór á milli 9 og 10 holu. Semsagt það er kannski einhver 5000 kall í húfi, það er nú kannski ekki svo mikið en fyrir námsmann eins og mig er það heill hellingur.

Jæja en allavega æm bekk tú ðe blogg og ég ætla að hafa þetta með hefðbundnu sniði bara þessa önnina. Það er að koma matur svo ég bið að heilsa í bili. Fyrir forvitna sem vilja vita hvað er í matinn þá er það svínasnitsel, fínt megrunarfæði það. Og fyrir þá sem ekki vita má gera fínyndis steikur hollar ef maður passa sig bara á því hvernig það er eldað og hvað er haft með því..

BT

Partýið var alveg ágætt

2005-11-30T11:22:00.000Z

og svo var farið í bæinn. Slappleikinn var allsráðandi og ég fékk mesta hausverk sem ég hef fengið á ævinni eftir að ég dröslaðist á fætur, það má segja að ég hafi ekki haldið andlitinu vegna kvala, mjög mikill hausverkur semsagt. Hann var ekki fyrr farinn þegar ég var farinn að hella í mig aftur í fordrykknum hjá Rikka fyrir árshátíð Almenna bílaverkstæðisins, mjög fínt geim það...

Ég hef sett inn eitthvað af myndum og það nýjasta er af árshátíðinni, þær eru hér til hliðar undir "Fleiri myndir".

Annars er ég bara farinn að vinna aftur og sjáum til með hve mikið þessa síða verður virk á meðan...

BT

Partý Partý

2005-11-20T17:01:00.000Z

já það er all langt síðan að hrist hefur verið upp í liðinu á efri hæðinni svo ég hef ákveðið að halda partý hérna á föstudaginn. Það að sjálfsögðu verður að halda uppá það að prófin séu búin en seinasta prófið er einmitt á föstudaginn á milli 14:00 og 17:00.
Það þarf því enginn að velta því fyrir sér hvort ég fari beint heim að opna mér bjór...

Því má gera ráð fyrir sveittri stemningu hérna á föstudaginn.

ég er búinn að bjóða Bjarne Stroustrup nú er bara fyrir restina að láta sjá sig..

bara svona aðeins til skemmtunar

2005-11-19T13:20:00.000Z

það má vel búast við því að ég verði svona kátur þegar prófin eru búin og það þarf ekki að koma neinum á óvart ef ég bara hreinlega kátari ef ég næ stærðfræðinni.

BT

Jæja nú hefur ákvörðun verið tekin...

2005-11-18T10:31:00.000Z

..um að sleppa verklega námskeiðinu sem ég ætlaði að taka í desember, það kemur aðallega til vegna peningaleysis. Ég er búinn með þetta fag en ég náði því í fyrra með naumindum en mig langaði að taka það aftur og ætlaði að gera það því þetta er gaman og maður lærir alveg mega mikið á þessu. Það er bara ekki tekið út með sældinni að vera í skóla peningalega séð og því eftir miklar vangaveltur og nokkra fundi með námsráðgjafanum mínum henni Jane þá var það ákveðið, þar sem ég fæ vinnu í desember, að fara bara að vinna. Ég nebblega þarf að kaupa jólagjafir eins og aðrir en það hefði ekkert verið í boði ef engir peningar kæmu inn.

Vegna þessa stefnir allt í gleðileg jól hjá mér og minni. Það verður bara unnið sirka 8 tíma á dag og farið svo heim að undirbúa jólin saman sem er gaman. Bara að taka því rólega sem hefði annars ekki verið í boði því þetta verkefni er mikið streð sérstaklega undir lokin.

Próf númer 2 af 4 er á eftir klukkan 14:00 og tel ég mig þokkalega undirbúinn fyrir það. Svo næst í röðinni er það stærðfræðin sem ég á litla sem enga von með að ná en ég er búinn að díla við 2 kunningja mína að taka mig undir þeirra verndarvæng og leiða mig að (stærðfæði)ljósinu. Annar þeirra ætlar að eyða með mér helginni á afskekktri stærðfræðieyju en hún er staðsett í miðjum Bermúda þríhyrningnum þar á ég von á því að ná kannski einhverjum fykjum og föllum. Hinn ætlar að eyða með mér öllu mánudagskvöldinu og fara með mig í innstu og dýpstu stærðfræði fylgsni hugans ég vona bara að ég sleppi þaðan lifandi aftur. Það yrði sko hátíð í bæ og ástæða til að fagna ef ég næði nú bara 5 í þessu helvíti. Ef ekki þá er bara að taka því eins og maður og annað hvort að læra um jólin eða taka hreinlega bara sumarönn ef sé í boði að taka stærðfræðina þar. Sjáum til með þetta allt saman.

Jæja ég bið að heilsa í bili, og þið sem eruð að VINNA brosið framan í heiminn og þakkið fyrir að þurfa ekki að taka stærðfræðipróf og þakkið líka fyrir að fá útborgað ;)
BT

Blogg númer 100

2005-11-15T20:18:00.000Z

talandi um skrítið fólk, ég fór í ræktina áðan og hvern haldið þið að ég hafi séð? Það var enginn annar en meistari meistaranna Quentin Tarantino. Hann er nú soldið skrítinn en svona svalur skrítinn, greinilega endalaust stuð í laugum alltaf. Hann var eldrauður í andlitinu eins og hann væri búinn að rækta fyrir allan peninginn (sá hann bara í andyrinu). Annars er ekkert meira skrítið fólk sem ég hef séð undanfarið sem ég man eftir.

Búinn með eitt próf af fjórum og ég er nokkuð viss um að hafa náð því, án þess að vera öruggur þó. Næsta próf er á föstudaginn og það er svona þægilegasta fagið eiginlega bara lestrarfag með smá föndri. Vonandi að það fari bara vel.

Bið að heilsa í bili, BT

Skrítið fólk

2005-11-11T11:32:00.000Z

er eitthvað sem ég hef mjög gaman að. Skrítið fólk, þá er ég að tala um fólk sem soldið öðruvísi en við hin sem teljum okkur eðlileg. Allt mitt fólk og Röggu fólk er fólk sem ég tel eðlilegt en svo er fólk eins og er í mjóddinni sem er skrítið og það var að bætast við annar staður sem mikið magn af skrítnu fólki finnst en það er "steina" potturinn í Laugardalslauginni. Ég fór einn í sund á miðvikudaginn, en það er fyrsta skipti sem ég fer einn í sund. Ég synti nokkrar ferðir og svo fór ég að sjálfsögðu að slappa af í pottinum. Ég gat samt ekkert slappað af því ég var svo upptekinn af öllu skrítna fólkinu. Þeir sem fara stundum í mjóddina vita nákvæmlega hvernig fólk ég er að tala um. Meirað segja pabbi styður mig í því að það er skrítið fólk í mjóddinni svo er mamma sem þykist ekkert vita hvað við erum að meina, ætli hún sé ekki bara svona góð að hún vill ekki blanda sér í svona umræður. Bara á meðan ég var að hugsa og skrifa þetta sem ég er búinn að vera skrifa þá var ég að muna eftir nýjum stað sem mikið magn af skrítnu fólki fer á en það er Rangá. Svo er yfirleitt vond lykt af þessu fólki líka.

Fyrir ykkur sem hafa ekki hugmynd um hvað ég er að tala um skellið ykkur í mjóddina í hádeginu einhvern daginn þá fáið þið sko "eitthvað fyrir peninginn".

BT

Áfram Laugar

2005-11-09T15:51:00.000Z

við jane keyptum okkur þriggja mánaða kort í laugum í gær. Við vorum alltaf að velta fyrir okkur hvort við ættum að vera í laugum eða hreyfingu. Svo eftir langar og miklar vangaveltur ákváðum við að kaupa í laugum af því að það kostaði það sama. Þegar við fórum á stúfana (haha ég er að fatta hvað það er fyndið að segja þetta, ég allavega sé tvær meiningar úr þessu) þá spurðum við hvort það væru einhver tilboð í gangi og við enduðum með að græða fullt af peningum bara fyrir það eitt að vera í landsbankanum. Húrra fyrir okkur!!! og húrra fyrir laugum því þetta er snilldarstaður!! + það að maður fær að fara í laugardalslaugina eins og maður vill.

Annars er ekkert framundan nema próf sem dreifast alveg sérstaklega skemmtilega á heilar tvær vikur, þ.e. semsagt próf á mánudag og föstudag eftir það svo er próf á þriðjudegi og á föstudeginum eftir það. Með öðrum orðum þá er góð pása á milli prófa sem er gott.

Ég sem ætlaði ekkert að djamma um helgina lét það náttlega eftir mér á laugardaginn en ragga náði að draga mig í annars mjög skemmtilegt afmæli. Haldið í einhverjum sal í síðumúlanum og það var svo vel veitt að afmælisbarnið sjálft drapst bara uppúr ellefu eða eitthvað svoleiðis. Eftir það var að sjálfsögðu farið í bæinn og það var líka fínt. Ragga greyið varð svo full að þar sem það er mikið af börnum sem lesa þessa síðu get ég ekki lýst því nánar. Endalaus snilld, eina sem ég ætla að segja að það endaði með vott af glóðarauga og glöggir gestir á prikinu gætu hafa séð ónefnda stelpu rífa sig úr að ofan (öllu nema brjóstarhöldunum). Segi ekki meir..... en ég þurfti sjálfur að fá söguna frá öðrum sem var á staðnum en ég var líka soldið ölvaður.

Jæja ég er að spá í að drífa mig í sund bara til að endurnýja einbeitinguna svo ég geti lært meira fyrir prófið á mánudaginn.

BT

Ég held að ég þurfi að

2005-11-03T17:52:00.000Z

fara versla mér svona skammdegisþunglyndisljós. Ég þoli ekki skammdegið. Segi nú kannski ekki að ég verði þunglyndur en það fer nærri því. Eina ljósið í myrkrinu eru jólin en þá er alltaf svo gaman. Það eru allir svo góðir vinir á jólunum, svo er alltaf spilað svo mikið og þá getur maður líka fengið sér jólabjór. Jafnvel spilað og fengið sér jólabjór um leið það er það skemmtilegasta.

En nú er farið að styttast ískyggilega í prófin en þau byrja eftir næstu viku. Það er ekkert elsku mamma lengur og ég er búinn að díla við einn kunningja að taka mig í aukatíma í stærðfræðinni. Það ætti aðeins að hjálpa og vonandi næ ég kannski í fyrstu eða annarri tilraun. Það versta er að ég hef verið frekar slappur undanfarið og aðeins slakað á í skólanum um leið. En nú er bara lærdómur framundan og ekkert fyllerí og engin vinna. Ég hef líka gott af því aðeins að slaka á í bjórnum.

hafið það gott þangað til næst, BT

Hvar á ég að byrja ??

2005-10-27T19:16:00.000Z

Það var tryllt gaman að airwaves og fór ég á nokkra af betri tónleikum sem ég hef farið á lengi. Architecture in Helsinki stóð þar lengst uppúr og komu sennilega mest á óvart. Annars var ég líka mjög spenntur að sjá Clap your hands say yeah og Ratatat það var mjög gaman að sjá þessa menn. Ég get ekki annað en klappað saman höndum mínum og sagt já!!! Annars hefur vikan farið í það að jafna sig á þessum herlegheitum en þessa helgina var tekinn alveg fullur þristur, ég sem er meirað segja orðinn of gamall fyrir tvist!

Það er verið að skora á mig að segja söguna af innbrotstilrauninni hérna sem átti sér stað á þriðjudag ef ég man rétt. Ég var búinn að sökkva mér niður í lærdóm og hrekk upp við það dyrabjallan hringir, ég stend upp og fer til dyra en enginn lætur sjá sig. Mig fer nú að gruna að þetta séu helvítiskrakka ógeðin hérna í götunni og ég bíð við hurðina í soldinn tíma og ekkert gerist. Eftir drykklanga stund heyri ég þrusk innan úr eldhúsi og sé hreyfingu í gegnum rúðuna í útidyrahurðinni (skrautgler sem sést ekkert í gegn nema bara hreyfing). Jæja ég fer inní eldhús og sé að þar eru við gluggann (að eiga við læsinguna) úti tveir strákar sem gætu verið kannski um 8 - 9 ára eða eitthvað. Ég labba að glugganum og segi mjög beittri röddu "Hvað haldiði að þið séuð að gera?". Ég veit það nú ekki fyrir víst en mig grunar að þeir hafi báðir migið á sig af hræðslu :D allavega komu einhverjar lélegar afsakanir og svo hlupu þeir í burtu ansi niðurlútir. Áður reyndar náði ég að segja "Drullið ykkur burtu og ég vil ALDREI sjá ykkur aftur hérna!!!!". Síðan þá hef ég hvorki séð af þeim nema heyrt og ekki orðið var við neitt krakkaógeð hérna í garðinum. Það væri nú kannski ágætt að láta fylgja að ég er ekkert á móti börnum yfir höfuð nema þessum því þessir litlu strákar eru ógeðslegir allir saman. Ég hef oft staðið þá að því að míga hingað og þangað um garðinn sem tilheyrir efri hæðinni og svo framvegis.

Annars ætlum við skötuhjú að leggja land undir fót um helgina og fara í sumarbústað til að hafa það notalegt. Svo á laugardeginum ætla að koma Elli bróðir og Ausa Prik. Þá verður blásið til veislu með öllu tilheyrandi. Ríkir soldill spenningur í okkur fyrir þessari ferð sem hefur verið farin einu sinni áður en þá var mjög gaman.

PS. ég er að horfa á veðurspána núna og sé að það á að byrja að snjóa um allt land á morgun, maður fær smá hroll við tilhugsunina.

BT

Það er lítið að gerast

2005-10-18T18:29:00.000Z

og er það sennilega ástæðan fyrir bloggleti undanfarið. Vísindaferðin sem talað var um í síðasta pósti var nokkuð góð og skemmtilegt djamm eftir það. Síðan þá hef ég fengið úr öllum prófum nema einu og kom ég sjálfum mér óvart bara. Annars kom það í ljós að ég þarf á kraftaverki að halda í þessari fjandans stærðfræði.

En það sem ber hæst í þessari viku og komandi helgi er án efa Iceland Airwaves. Þar er ég búinn að fjárfesta í helgarpassa sem gildir á alla hátíðina. Frændi og Jonni ætla að fjölmenna með mér (eða ég með þeim) á þennan annars snilldarviðburð og það vill svo skemmtilega til að nokkrar af mínum uppáhaldshjómsveitum um þessar mundir munu troða upp.

Nú er að bresta á grænmetissúpa sem jane er að elda svo ég bið að heilsa í bili, BT

Langþráð vísó framundan

2005-10-07T14:09:00.000Z

og prófin eru búin. Kláraði seinasta prófið í morgun með að reikna fram og til bara 1 og 0 í base 2. Setja saman rökrásir úr formúlum, sanntöflum og eftir að hafa snúið öllu við með de Morgan. En allavega ég er þokkalega sáttur við þetta gengi í prófunum og get ekkert verið að kvarta. Það verður að gaman að sjá hvað ég fæ útúr þessu öllu, nema kannski stærðfræðinni. Svo er ég ekki búinn að gera neitt annað en að halda uppá þetta allt saman síðan ég kláraði, ég t.d. skrópaði í stærðfræði, fór á select og fékk mér SVEITTA pulsu, lagði mig í 4 klukkutíma og er á leiðinni að opna mér bjór sem ég hef haft mikinn augastað á alla vikuna inni í ísskáp. Svo rúsínan í pylsuendanum er vísó á eftir og svo októberfest niðrí HÍ. Ég get hreinlega ekki beðið og enginn annar bróðir minn ætlar að fjölmenna með mér og mig grunar það nú að við munum ekki koma til með að láta okkar eftir liggja í því þamba FRÍA bjórinn. Það er gott og gaman að drekka bjór!!

Annars hef ég ekkert annað að segja nema gleðilega októberfest, BT

2 dán end 2 tú gó

2005-10-04T16:02:00.000Z

já ég fór í stærðfræði í gær og hélt að ég væri nú bara nokkuð með hana á hreinu. Ég var meira að segja nokkuð vongóður og glaður á leiðinni í prófið sem ég man ekki hvenær gerðist síðast... en svo kom það jú fyrsta blaðsíðan ég var nú með hana á hreinu en restin var eitthvað sem var ekki í neinum undirbúningsdæmum. Ég viðurkenni það alveg að það var búið að fara í þetta allt en það var enga áherslu búið að leggja á þetta að mér fannst. Svo voru þarna raddir sem heyrðust eftir prófið að þetta hefði verið fjandi þungt. En ég get sossum ekkert verið að kenna öðrum um mitt klúður og ég veit núna bara hvað ég þarf að læra betur fyrir lokaprófið. Svo var ég í prófi í morgun og það gekk vonum framar :D það er hægt að orða það þannig að mér hefur aldrei gengið jafnvel í prófi í HR.

Allavega er maður bara núna kominn heim og er að pæla í að breyta svefnherberginu þannig að skrifborðið vísi út að glugga. Svo maður geti verið eins og rithöfundur í leit að innblæstri. Það held ég að geri manni bara gott. Svo er að halda áfram að læra til að ná restinni svo ég geti haldið höfði mínu hátt.

Jæja ég bið að heilsa í bili, yfir og út.
BT

Þá er komið aððí

2005-09-30T13:46:00.000Z

fyrsta prófið er á mánudaginn og er það stærðfræðin. Það lítur aðeins betur út heldur en í fyrra þó að þetta sé helv... erfitt. Svo að nú þarf að læra alla helgina og það þýðir náttlega að bjórinn verður bara þarna einhversstaðar í hyllingum bak við bækurnar. Svo fer öll vikan í að læra því ég fer í 4 próf sem dreifast jafnt yfir vikuna. Þetta verður bara gaman að komast að því hvar maður stendur í þessu öllu.

Annars horfðum við Jane á Lost 02/02 í gærkvöldi og þá komst ég að því hve svakalega húkkd blessunin er á þessu án þess að fara nánar útí það. En allavega nú er að fara að reikna bið að heilsa í bili og þið sem ætlið að skemmta ykkur um helgina takið einn auka fyrir mig og einn auka fyrir Ísland!!! (að taka einn auka fyrir Ísland er einkahúmor sem ég nenni ekkert að skýra út fyrir þeim sem ekki skilja.)

BT

Það er ekkert að frétta sossum.

2005-09-26T20:43:00.000Z

Miðannarpróf byrja eftir nákvæmlega viku. Svo að þessi vika verður heldur þung og ég þarf að læra soldið mikið. En til þess þarf aga sem ég þarf eiginlega að rækta með mér. Annars var helgin fín og bara sjónvarpsgláp á föstudagskvöldið og svo var heimboð á kvíabryggjuna á laugardagskveldið sem var mjög gaman. Þar var spilað og drukkið og oft aðeins meira drukkið en spilað. Allavega gaman var það og svo kýs ég að hafa ekki fleiri orð um það.

Ég er að spá í að hafa þetta ekkert lengra þar sem það er erfitt að halda höndunum á lyklaborðinu eftir erfiða æfingu í ræktinni BT

Gó Enski!!!

2005-09-21T15:59:00.000Z

Flestir sem þekkja mig vita að ég á erfitt með að horfa á enska boltann því mér hefur fundist hann leiðinlegur en ég hef samt alltaf átt mér mitt uppáhaldslið síðan á 5 ára afmælisdaginn minn, mér var gefinn T-bolur með liðinu West Ham, síðan þá hefur gengi þessa liðs ekki verið neitt til að hrópa húrra fyrir en viti menn mitt lið þegar þetta er skrifað er í 6. sæti í úrvalsdeildinni!!! (samkv. gras.is)
nú er ég allur að veðrast upp og hlakka til að fylgjast með gengi míns liðs því nú er loksins allavega smá ástæða til að fara að fylgjast með þessu rugli.

Tár, bros og takkaskór, BT

3 skilaverkefni á einni viku !..

2005-09-21T00:07:00.000Z

plús eitt mjög stórt í næstu viku. Þetta er fullmikið af því góða. En ég þarf að sjálfsögðu að bregðast við því annars væri alveg eins hægt að sleppa þessu skólakjaftæði öllu saman. En allavega hér sit ég í skólanum klukkan rúmlega 00 með sveittann skallann (sem er reyndar að breytast í hnoðra). Ég er nú samt ekkert að kvarta þar sem þetta er nú eiginlega bara gaman, allavega þegar vel gengur.

Ég var klukkaður fyrr í vikunni sem er nokkuð spes en gaman. Ég ætla að bregðast við án þess að klukka aðra (eins og fyrr sagði þekki ég ekki nógu marga til þess) og verð ég bara að bíta í það súra ef ég lendi í ógöngum vegna þessa.

1. Ég þoli ekki raunveruleikasjónvarp en það er einn og einn þáttur sem alveg hægt er að horfa á.

2. Ég hef einu sinni farið í bíó og aldrei útá vídjóleigu síðan ég fékk útværa harða diskinn minn sem var snemma í vor. Ekki lengi að borga sig sá þar sem mikið var gert af hvoru áður fyrr.

3. Ég elska skyndibita og þar trónir KFC á toppnum og sér ekki einu sinni þá sem á eftir koma. Áfram tilboð númer 9!!!

4. Ég er vanafastari en andskotinn ef hann væri klikkað vanafastur (hef ekki hugmynd um hans vanafestu annars).

5. Eins harður og ég vil látast vera er ég myrkfælinn eins og versta kelling. Ekki samt stríða mér þar sem ég tek illa stríðni ;)

Yfir og út kæru vinir...BT

Blessuð helgin...

2005-09-19T18:23:00.000Z

var ágæt eða allavega það sem ég man af henni. Ég man að ég var að vinna á föstudagskvöld og laugardaginn allan og svo man ég að ég fékk svínalundir í kvöldmatinn á laugardaginn svo fer þetta að feida út smám saman. Ég varð óþarflega fullur í bænum og þess vegna man ég lítið sem ekkert hvað ég gerði eftir Dillon. Man hvorki af hverju ég fór þaðan né hvað ég var að gera. Man eftir einu augnabliki á select þar sem ég píndi ofan í mig eina pulsu svo var ég bara kominn heim. Þetta var nú ágætt allavega eins og ég sagði en þetta kostaði það að ég var í móki allan sunnudaginn og átti erfitt með allt sem ég gerði. Fáránlegt að þetta kenni manni ekkert.

Eins og er allt of mikið að gera hjá mér bæði í skólanum og öðru þó það sé aðallega skólinn og verkefni hingað og þangað. Það er bara gaman þegar vel gengur.

Allavega bið að heilsa enn með smá riðu, BT

Svona aðeins til gamans...

2005-09-15T16:55:00.000Z

Svo gæti bara vel verið að þið fáið meira af svona snilld ef þið hagið ykkur skikkanlega og séuð ekki að brúka munn!!!

Helgin liðin með tilheyrandi átökum..

2005-09-12T11:54:00.000Z

Það var þrusupartý hérna í skipasundinu á föstudagskvöld og fannst aðstandendum bara vel til takast. Svo meirað segja þegar partýið var búið héldum við eftirpartý sem endaði í egg og beikon veislu sem fylgir þessum ákveðnu gestum alltaf. Þau hvorki láta bjóða sér í partý né halda þau partý sem inniheldur ekki egg og beikon enda er það mjög gott í vel maríneraðan maga. Já húrra fyrir Ella og Ausu sem sem "krössuðu" annars vegar á gærunni og svo í sófanum. Svo í hádeginu brunaði ég svo útá brautarstöð til að kaupa þynnkumöns sem var fjölskyldutilboð af hamborgurum og ég hélt að andlitið ætlaði að rifna af þeim af gleði með smá ógleði í bland.

Eftir að hafa eytt restinni af laugardeginum í að jafna sig og safna kröftum þá náðu mamma og pabbi í okkur Jane eftir að hafa náð í Ella og Ausu til að fara að út að éta á pottinum og pönnunni. Maturinn var allt í lagi, það sem við fengum allavega, þó svo að næstum helmingurinn á matseðlinum hafi ekki verið til. Svo loksins þegar allir fengu það sem þau vildu þá gleymdist ég og þufti ég að bíða í auka 5 eða 10 eftir mínum mat sem var svo ekki alveg jafn góður og ég átti von á. En eftir þetta var brunað í Jakaselið til að spila og voru kallar á móti konum í bæði aksjónarí og trivial og verða úrslit ekki kunngjörð hér. En þegar kvöldið er tekið saman fá mamma og pabbi 10 í einkunn fyrir gott kvöld.

Sunnudagurinn fór svo bara í það að jafna sig eftir að hafa tekið tvist sem maður er að verða of gamall í að gera. Og nú er ekkert annað að gera en að fara í skólann bara og læra.

Teik keer, BT

Finn til með greyjunum...

2005-09-08T14:29:00.000Z

Spinning kennarar allir með tölu (ég hef oft farið í spinning og er búinn með þá nokkra þ.e.a.s. kennarana) eru með versta tónlistarsmekk í heimi, segi ég og skrifa!! Eins og það getur verið gaman í spinning þá er það virkilega fælandi að þurfa að hlusta á í botni "tekknó" útgáfur af No limits með 2 unlimited og What is love með Haddaway. Þetta eru kannski snilldarlög síns tíma en þau eru þreytt og hvað þá að þetta sé komið í "tekknó búning". Það myndi trekkja að miklu fleiri held ég ef það væri hægt að fara í t.d. Rokk spinning eða eitthvað í þá áttina. Það væri kannski ágætislausn að mæta með Peltorinn (fyrir þá sem vita hvað það er) og tjúna í XFM eða X-inu. Allavega er komin þarna hugmynd fyrir þá sem eru að reka þessar stöðvar, eins og samkeppnin er, að hafa smá rokk í þessu.

BT að deyja í eyrunum eftir þennan viðbjóð.

Þetta vegur salt á mörkunum...

2005-09-07T15:26:00.000Z

Ég er eiginlega ekkert að nenna þessu bloggkjaftæði. Það er lítið að gerast á þessari síðu og fyrir ekki meiri lesningu en þetta þá varla nennir maður að hafa áhyggjur af þessu. Kannski ekki að maður hafi áhyggjur en þið vitið hvað ég meina.

Bletturinn er nýsleginn og það er partý hérna í Skipasundinu um helgina á vegum Röggu en hún bauð vinnufélögum sínum að koma eftir óvissuferð á föstudaginn. Mér gengur betur en í fyrra í skólanum og mér er heitt akkúrat eins og er. Það er ekkert meira að frétta svo að ég bið að heilsa í bili.

BT

I'm a lazy bastard yes I am...

2005-08-31T16:55:00.000Z

Samt ekki mér fannst þetta bara fyndið vegna þess að ömurlega lagið með strákunum og quarashi ber næstum sama titil. Ég er búinn að fara í skólann, taka langan göngutúr út á Laugarnesið að skoða sögulegar minjar og læra heilmikið hérna heima svo að ég hef nú ekki verið mjög latur í dag þó ég geti verið það suma daga. Það versta er að ég læt leiðinlegu fögin sitja á hakanum og tek þau skemmtilegri framyfir. Vona bara að þau leiðinlegu fari að verða skemmtilegri annars er ég í vondum málum.

Helgin er plönuð. Það verður sumarslútt hjá verkstæðinu og ætlum við allir að fara í go-kart en þar verður haldin svokölluð formúlukeppni, spennandi það. Eftir það verður farið í blúlagún og svo haldið niðrá verkstæði í veislu. Vegna þess hve starsmenn verkstæðisins hafa verið duglegir og ósérhlífnir í starfi undanfarið mun verkstæðið borga allan þann kostnað sem hlýst af skemmtun þessari. Svona á þetta að vera og ekki bara léttar veitingar í boði í veislunni heldur þungar líka!! Þetta á nú samt eftir að kosta það að maður endar einhversstaðar hauslaus og vitlaus eftir að hafa hellt ómældu magni af áfengi í kúpuna á sér.

getch();
return 0;
BT

Eins og þvottavél

2005-08-29T13:25:00.000Z

er helvítis maginn á mér eftir helgina og ég þorði ekki í skólann í dag ef ég skyldi fá skot í tíma. Maður er enn svo lítill í sér í skólanum þar sem ég þekki engann ennþá. En allavega ég ákvað eftir að hafa setið útí bíl í smástund uppí skóla að ég hefði ekkert að gera þarna inn með bullandi hættu á stórskotahríð. Svona getur þetta verið og skrítið að þetta sé ekki búið að kenna manni eitthvað.

Helgin var annars fín. Kom furðu miklu í verk td. kláraði ég verkefni niðrá verkstæði með góðri hjálp góðra manna, auk þess að reita arfa, halda matarboð og vera á milli heims og helju í gær vegna þynnku.

Annars er ég búinn að pikka upp seinfeld theme-ið á bassann og sitthvað fleira. Endalaust gaman að eitthvað af viti sé farið að hljóma úr þessu. Nú er bara að bíða eftir að aðrir hljómsveitarmeðlimir fari að sýna vilja í verki og láti sjá sig með hljóðfæri...

BT

Nýji bassinn kominn í hús !!!

2005-08-25T16:50:00.000Z

Svona lítur nýi bassinn út og er ég mjööög ánægður með hann. Ekki annað hægt að segja en mér hafi tekist vel til með þessi kaup. Það er alltaf jafn gaman að versla eitthvað á netinu. Þarf alltaf að bíða spenntur í viku minnst áður en það kemur. Þannig magnast upp ánægjan við að taka upp það sem maður var að kaupa. Endilega að versla sem mest á netinu bara. Ég er viss um að ef ég gæti keypt í matinn á Ebay myndi ég gera það ...

BT

Well, well

2005-08-24T12:19:00.000Z

nú er allt komið af stað og var ég að læra í allan gærdag og lét mér vel líka. Hálffurðulegt að vera í fríi í dag en ekki getur maður kvartað yfir því samt. Það er vegna þess að 2 tímar féllu niður og voru það einu tímarnir í dag. Ekki það að þetta sé frí ég bara á ekki að mæta í tíma í dag. Nóg að gera að læra.

Annars er lítið annað að gerast. Fór í bíó í gær og sá Brúðkaupsboðflennurnar. Það var skítsæmóræma ég var nú orðinn ansi þreyttur á henni samt undir lok þegar uppáhald okkar allra kom og bjargaði myndinni en sá er best þekktur undir nafninu Will Ferrell. Þeir eru alltaf skemmtilegir þessir grínbræður allir. Hefði samt verið gaman að toppa þetta og troða Ben Stiller þarna einhversstaðar. Ef þeir hefðu ekki verið með aðalhlutverkin í þessari mynd hefði sennilega enginn nennt að horfa á þetta. Ef ég ætti að gefa henni snjörnur myndi hún fá 2.5 af 5 sem er ekki gott og eina sem ég er að gefa eru þeir því þeir eru svo hressir.

Megið þið eiga góðan dag annars þarna úti, BT

Nú er stundin að renna upp

2005-08-22T11:40:00.000Z

fyrsti dagurinn í skólanum er kominn og ég á að mæta kl. 13.00. Fínt annars að þurfa aldrei að mæta fyrr en uppúr hádegi á mánudögum og tel ég líklegt að ég muni koma til með að notfæra mér það.

Annars er lítið að frétta. Menningarnótt rann stórslysalaust fyrir sig hjá mér, minni og því liði sem ég var með. Ausa og Elli fá hrós fyrir tvöfalt matarboð en það var semsagt um kveldmatarleitið grillaður hnakki (veiddum hann í útúrkittaðri VT-I Hondu með flugvélabensínloki), nei nei þetta er nú bara djók, enda myndi authentic hnakki ekki komast í minn í maga án þess að æla honum og meira til aftur. Við vorum semsagt bara að tala um svínahnakka. Svo eftir bæinn buðu þau í egg og beikon sem er þeirra fylleríissérréttur, sérlega góður réttur það í drukkinn maga. Svo á Hlynur feitt hrós skilið líka fyrir sérlega skemmtilegt SNEKKJUpartý. Ég held að ég geti bara ekki sagt annað en ég hafi skemmt mér vel bara á menningarnóttinni.

BT

Freaky friday

2005-08-19T21:18:00.000Z

er titill á sennilega mjög leiðinlegri mynd sem ég hef sem betur fer ekki séð. Skrifaði þetta bara vegna þess að í dag er föstudagur og það er ömurlegt veður. Það versta er að spáin fyrir menningarsjokkið á laugardag er svipað slæm. Allavega eru plönin fyrir daginn þau að fara í bæinn á SNEKKJUNNI hans Hlyns og gera eitthvað úr því og svo er matarboð hjá ella og ausu um kveldið. Þar verður drukkið, dansað og hlegið svo verður farið í bæinn.

Annars var ég í fríi í dag og fór til tannsa. Hann boraði fullt og fyllti í einhver göt og það kostaði bara augun úr eða 20.000 kall takk fyrir góðan daginn. En það er bara að muna að nota þráðinn þá á þetta að vera í lagi.

Ég er farinn að fá mér bjór, óver end át BT

Síðasti dagurinn í vinnunni á morgun

2005-08-17T22:52:00.000Z

og það er ekkert nema tóm hamingja að þurfa ekki að mæta til vinnu. Allavega er tilbreytingin góð þó það verði heilmikil vinna í skólanum. En allavega langaði mig bara að monta mig af nýja bassanum mínum sem ég var að kaupa á ebay

fékk hann á rosa díl vegna örlítils útlitsgalla. Nú er bara að halda áfram að æfa sig. Húrra fyrir ebay.

BT

Nú er komið að því !!

2005-08-16T22:07:00.000Z

Það er ansi langt síðan að ég hef færslað hér en þar sem skólinn fer að byrja og ég verð með kjöltutoppinn minn í kjöltunni allan daginn er kannski alveg eins gott að leyfa ykkur að fylgjast aðeins með mér.

Það er mjög margt sem á daga mína hefur drifið í sumar og stendur hæst að sjálfsögðu þriggja vikna utanlandsferð sem spannaði allt frá Spáni og endaði svo á Hróaskeldunni góðu. Næsti hápunktur endaði inní Þórsmörk eftir að hafa labbað yfir Fimmvörðuhálsinn. Það er eitt af mínum stærri gönguafrekum ef ekki það stærsta bara. Eftir þetta tók við önnur utanlandsferð ef svo má kalla því að um verslunarmannhelgina fjölmenntum við Ragga til Færeyja ásamt nokkrum félögum. Síðan er ég bara búinn að vera að bíða eftir að skólinn byrji.

Það er ekki laust við að það beri á óttablöndnum spennukvíðahnúti í maganum sem fer að springa niður í rassgat eftir því sem nær dregur. Það er vonandi að þetta gangi í þetta skiptið með breyttum áherslum. En sem betur fer er ég með varaplan ef ég skildi klúðra þessu aftur en það verður ekki látið uppi fyrr en í hart fer.

Seinasta helgi var heldur viðburðarík. En í fyrsta skipti í langan tíma tókum við föstudagskvöldið fyrir og hvíldum á laugardagskveld, það er líka eitthvað sem maður þarf að venja sig á þegar maður er á leiðinni í HR þar sem mikið er um vísó og það er allt á föstudögum. Það var nú sossum ekkert mega merkilegt við þetta fyllerí nema ég þurfti endilega að missa útúr mér eitthvað um svokallað "skullet" sem er mullet klipping nema maður er sköllóttur með sítt að aftan. Soldið fyndið. En strákarnir linntu ekki látum fyrr en ég lét tilleiðast fyrir 7.000 kall og jói fór og náði í klippurnar. En þar sem jói er nú ekkert fæddur hársnyrtir þá klúðraði hann þessu svo illa að ég leit út eins og munkur eftir þetta. Frekar leiðinlegt fannst mér. Svona leit ég út...

Hann fékk nú að heyra það vegna þess að mér fundust þetta samningsbrot en það var þannig að ég átti að fara í bæinn svona útlítandi. En ég gerði ekkert nema græða á þessu vegna þess að þeir vorkenndu mér svo mikið vegna þess hve ósáttur ég var að þeir blæddu öllum drykkjum á mig og svo fékk ég endalausa athygli útá þetta. Svo að ég var alveg sáttur við þetta. Þegar ég kom heim þorði ég nú ekki öðru samt en að raka þetta af og þegar Ragga vaknaði þá brá henni svakalega því ég var nauðasköllóttur með skjannahvítann skallann. Hún sperrtist öll upp jós úr sér skömmum og blótsyrðum þangað til hún sofnaði aftur en svo þegar hún vaknaði aftur stuttu seinna rann henni reiðin (það hjálpaði líka aðeins þegar ég sagði henni frá 7.000 kallinum).

En jæja eins og ég sagði þá ætla ég að byrja aðeins að krafsa hérna inn aftur en sjáum samt til með magn og gæði...
BT

Long tæm nó blogg

2005-02-03T23:00:00.000Z

end æ dónt keer. Það er náttlega alveg túrbó lítið að frétta af mér þar sem ég er bara að vinna og ekkert annað. Það er mjög fátt sem á mína daga drífur í þessu ástandi. Annars var að fjölga í Skipasundinu fyrir skemmstu þar sem 2 páfagaukar hafa tekið sér bólfestu í stofunni hjá okkur eftir að við fórum og keyptum þá í dýraríkinu. Þeir eru alveg hundskemmtilegir finnst okkur.

Annars er fimmtudagur og stutt í helgi þar sem okkur hefur verið boðið í afmæli á laugardagskveld. Það verður fínt held ég bara. Aldrei að vita nema ég komi með fréttir af því við tækifæri.

Já jæja hafið það bara gott þangað til næst hvenær sem það nú verður sossum, BT

Ég er að pissa í mig...

2005-01-12T21:02:00.000Z

ég hlakka svo til að fá PS2 tölvuna mína sem kemur til landsins eftir eina og hálfa viku. Ég ætla að slá öll met í að hanga sem lengst í þessu því ég hef heyrt að tíminn þjóti frá manni allavega þegar maður er að spila GTA San Andreas. Ef einhver sem les þetta og vantar NFSU2 í PS2 þá er ég með hann til sölu á hálfvirði þar sem ég var of seinn að skipta þeim sem ég fékk í jólagjöf með tölvunni. Ég hef ekkert við það að gera að spila þennan leik í báðum tölvum. (bjorgvin04@ru.is)

Góðar stundir, BT

Já jæja það kom sossum ekkert á óvart...

2005-01-10T18:17:00.000Z

en ég náði ekki helvítis prófinu svo að nú verður gert hlé á þessu ágæta námi. Það er í sjálfu sér ekkert svo slæmt því nú fara sko peningarnir að streyma inn. Ekki veitir af því get sagt ykkur. Allavega byrja ég bara að vinna á morgun hjá Almenna bílaversktæðinu aftur þangað til í haust. Þá ætla ég að sjá til hvað ég geri í þessum skólamálum. Ég var einmitt að funda með þeim áðan og búið er að lofa vænni kauphækkun. Það er ekki verra. Já jæja ekki láta ykkur koma það á óvart ef þessari síðu verður eitthvað minna sinnt en ég sé til hvað ég geri...

Plehhh BT

Haldið þið að nýi bíllinn sé ekki bara kominn í hús!!

2005-01-06T18:12:00.000Z

já ég keypti mér volvo í vikunni og er bara miklu sáttari við hann en ég nokkurn tíman þorði að vona. '87 módelið af 740 GL station Volvo er alveg málið. Keyrður ekki nema 300.000 km sem er ekki neitt, rétt búið að tilkeyra hann. Hann er mjög þægilegur að keyra og með þennan til umráða er ekki erfitt að kveðja Honduna... ekki móðgast Jane en Vollinn er betri. Ætli ég smelli ekki bara mynd af honum hérna inn á næstu dögum.

Annars er ég enn að bíða eftir einni einkunn bara sem ræður öllu eða því allavega hvort ég haldi áfram í skólanum eða fari að vinna í rúmlega hálft ár... svo að það er soldið í húfi.

Jæja ég er farinn að láta mig dreyma um mat og góðgæti þar sem ég fæ ekki að setja það oní mig.. BT

Það eina slæma við það að jólin séu að verða búin...

2005-01-04T20:11:00.000Z

er það að eftir jól verður skrítið að drekka hátíðarkaffi. Þetta blessaða hátíðakaffi er eitt það besta sem ég hef hellt uppá lengi í fínu fínu könnunni minni sem ég keypti í góða hirðinum á 500 kall. Já það verða undarlegar tilfinningar sem flæða um mann að drekka hátíðakaffi þegar það er engin hátíð.

Annars er ég að fara að kaupa mér bíl á morgun. Veit nú ekki alveg hve fín kaup það eru en ég fæ fasteign á hjólum fyrir 20.000 kall. Hversu fínt er það jahh ef t.d. Jane tæki tryllinginn á mann og ég hefði hvergi höfði mínu að halla í eina nótt eða svo þá ætti ég Volvoinn minn. Þó að þessi ágæti Volvo, sem er af gerðinni 740 station '87 módel keyrður ekki nema 300.000 km, sé mjööög þreyttur þá held ég að ég verði bara fínn og virðulegur við stýrið á honum. Okkur vantar bíl og ég læt það ekki fyrir mig þó að stefnuljósið í hægra frambrettinu sé ryðgað úr.

Jæja nú ætla ég að halda áfram að læra og eftir prófið á morgun þá er þetta búið í bili, gæti verið hálft ár og það gæti verið mun minna. Stei tjúnd for sííns fromm áur next eppasód... BT

Blessuð áramótin...

2005-01-02T16:57:00.000Z

eru búin og árið 2005 hefur gengið í garð. Það fyrsta og eina sem kemur upp í hugann á manni er vó!!! - ég er að verða quart-aldargamall á árinu... það er tryllt svo ekki sé nú meira sagt. Það liggur við að maður sjái ævi sína renna hjá sér eins og í lélegri hollívúdd mynd þegar einhver er að hrökkva uppaf.

Djammið þessi áramótin var jafn ömurlega súrt og lélegt eins og önnur áramót þó það hafi verið örlítið skárra en oft áður. Ég skil bara ekki hvað málið er með þessi áramót það eru alltaf sömu væntingarnar með almennilegt djamm og skemmtilegheit svo verður maður alltaf fyrir jafn svakalegum vonbrigðum. Mig langar mest að segja núna að ég sé hættur að djamma um áramótin en ég er alveg farinn að kunna á mig og ætla ég ekki að ljúga því að mér í þetta skiptið.

Ég gerði mér nú lítið fyrir samt og setti mér áramótaheit en það er að fara í átak og ná af sér nokkrum kgs... það er ekkert mál ef maður bara ákveður það. Trikkið er bara enginn sykur, engin fita og kötta vel á kolvetnisátið. Semsagt að blanda saman nokkrum viðurkenndum kúrum held ég sé best og draga fram Goerge Foreman grillið og grilla bara kjúllabringur í öll mál. Smá salat og ávextir eru góðir líka, allavega eftir 2 - 3 mánuðui verð ég aftur orðinn eins og ég á að vera.

Jæja gleðilegt ár öllsömul, BT

Alveg rétt, ég gleymdi einu smáatriði...

2004-12-27T14:35:00.000Z

..en stefnan er tekin á áramótagleði í Skipasundinu.

og það er aldrei að vita hver mun þjóna á barnum...

það væri nú ekki amalegt ef ég næði nú í rassgatið á honum tomma en það er langt síðan að ég hef heyrt í kallinum.. sjáum til bara.

Já jólin komu og fóru jafnfljótt aftur...

2004-12-27T13:45:00.000Z

þetta voru stystu jól sem ég hef upplifað í 7 ár held ég að það sé. Er það ekki? Er ég kannski að uppvísa bara eigin fávísi? Allavega langar mig í aðeins meira frí og rólegheit þó ég hafi nú ekki alveg gott af því þar sem ég er orðinn alveg tvöfaldur af ofáti og bjórþambi. Enda er búið að setja sér það markmið að ná af sér aftur því sem ég hafði náð en það er því miður allt komið aftur og það á mjög stuttum tíma. Þið sem sjáið mig ekki oft ekki láta ykkur bregða þegar þið sjáið mig næst ef það verður á næstunni. Semsagt er það fastsett að 2. jan verður byrjað í átaki og sprikli í ræktinni. Það er nú í sjálfu sér ekkert svo slæmt þegar maður er byrjaður. Það þarf bara svolitla hörku fyrst svo kemst þetta í vana og eitthvað kemst í vana hjá mér er það alveg fast þar sem ég er vanafastur með eindæmum. Þegar það er orðið erfitt að stíga inn og úr bílnum sínum þá þarf eitthvað að kíkja í málið...

Annars er ég bara núna að hanga í skólanum að læra fyrir forritunarprófið sem verður 4. jan og svo náttlega kerfisgreiningaprófið sem er 5. Það er því nóg að gera og þetta er ekki það sem ég hafði óskað mér að gera í fríinu. Maður fær ekki allt sem maður vill hef ég heyrt og finnst ágætt bara að nota það í þessu tilviki. Annars voru jólin fín og ég fékk fullt af flottum gjöfum og stendur þar kannski hæst Playstation 2 talvan sem Jane gaf mér. Ég get ekki beðið eftir að fá hana í hendurnar en því miður er hún ekki til í landinu eins og er en ég fékk bara ávísun uppá eitt stykki. Gleði, gleði og endalaus gleði sem endar með ofátsógleði....

Með kveðjum, BT í öðru veldi....

Jólin koma, jólin koma... nótumerki

2004-12-22T10:50:00.000Z

já nú er aldeilis stutt í jólin og áramótin. Nú er kallinn byrjaður að læra aftur eftir stutt hlé og meirað segja búinn að fá einkun fyrir lokaverkefnið. Það var ágætiseinkunn og ekki hægt annað en að vera sáttur við það. Annars er verið að forrita á fullu núna og eftir það verður farið að kerfisgreina. Ég á nú ekki von á öðru en að ná þessu í endurtektinni og þá verður þokkalega glatt á hjalla aftur. Þó svo að það hafa aldrei orðið neitt óglatt, tjahh ekki nema eftir fylleríið um daginn. Annars er mig farið að hlakka soldið til jólanna því jú þá fær maður alltaf svo gott að borða, jafnvel kerti og spil og kannski einn til tvo bjóra í góðra vina hópi yfir einhverju spili. Já jólin eru góður tími og munið það að sælla er að gefa en að þiggja.

Jólakveðja, BT

PS. Ekki gleyma smáfuglunum...

nú er loksins hægt að anda léttar...

2004-12-16T13:04:00.000Z

þó að sölukerfið sem ég var að reyna búa til, með þessum annars ágætu mönnum eftir allt, hafi ekki virkað sem skyldi þá er ég alveg svakalega feginn að það sé búið. Annars á ég afmæli í dag fyrir þá sem vilja gleðja mig með dvergum eða öðru skemmtiefni (ekki móðgast dvergar en þið skemmtið mér bara með því að vera til) og blóm og kransar jahh það verður tekið á móti öllum framlögum í kjallaranum á Skipasundi 1 fram eftir viku. Ég fékk svaka fínan pakka í gær (eftir miðnætti svo að allt sé nú rétt) frá henni Jane þar sem hún er nú vön að kunna að gleðja.

Takk fyrir mig kærlega, BT

Hvað er að gerast annarsssss???

2004-11-28T20:21:00.000Z

Það er mikið að gerast hjá mér í þessu lokaverkefni þess vegna er ég lítið að sinna þessu bloggi. Ég kem alveg tvíelfdur til baka þegar þetta er búið ég er viss um það. Þangað til verður eitthvað minna um að vera á þessari síðu. Þannig er það nú. Annars gæti ég alveg tuðað lengi um það hve mikið word forritið fer í taugarnar á mér. Það gerir ekkert nema að taka fram fyrir hendurnar á manni þegar maður er að vinna með það. Ömurlegt. En þetta er allt í lagi því ég fékk það af mikið notuðum skrifuðum disk sem þýðir það að mikið er búið að nota hann og setja upp á margar tölvur og þá líður mér vel því það er GOTT að stela frá Microsoft. Já reynið sem mest að stela frá Microsoft eins og þið getið.

Jæja það þarf að gera meira í þessari þarfagreiningu, BT

Ég sem hélt að læra fyrir prófin væri strembið...

2004-11-26T15:27:00.000Z

en þetta lokaverkefni er nú ekkert grín. Það þarf að vera hérna í skólanum með misskemmtilegum mönnum næstum dag og nótt að gera verkefni sem er hellað erfitt. Það sem verra er er það að þeir reykja allir og þegar maður er hættur þá er reykingalyktin hætt að vera eins og hún var, nú er hún bara súr og ógeðsleg... gubb.

Svona er þetta bara og verður það næstu 3 vikur. Þangað til þá vonast ég til að sleppa lifandi frá þessum hremmingum. Kemur í ljós seinna. Annars erum við Jane bara að flytja á fullu og mála og koma okkur fyrir. Það er soldið mikil vinna....

Jæja ég er farinn að reyna að gera eitthvað, BT

Yeeehaaaa!!!!

2004-11-24T10:29:00.000Z

búið að fá afhent!! Vorum bara í allan gærdag að mála stofuna og fórum í IKEA og versluðum allt sem þarf í eldhúsið sem átti eftir að kaupa en önnur ný kaffikanna er eitthvað sem við þurfum að fá okkur þar sem ofur tilboðs kannan úr húsasmiðjunni hellir uppá ískaffi því hún er ekkert að hafa neitt alltof mikið fyrir því að hita lekann. Það er nú samt alveg í lagi þar sem þessi blessaða kanna kostaði jahh bara eiginlega ekki neitt.

Nú á bara eftir að flytja og við komumst örugglega langt með það í kvöld :-)

BT

Nú er sko verið að læra binary...

2004-11-21T13:06:00.000Z

því tölvuhögunarprófið er á morgun og það er jafnframt það seinasta. Það verður gaman þegar þessi törn er búin þó að eitthvað þurfi nú að læra um jólin. Það er ekki næstum jafnleiðnlegt að stúdera þetta binary dót þegar maður er loxins farinn að skilja aðeins í því. Ég vona bara að þetta próf fari vel því ég nenni ekki of miklu um jólin.

Það þarf nú ekki að spyrja að leikslokum eins og sumir myndu segja eftir prófið á morgun því bara um leið og ég stíg úr prófinu þá er bara beinasta leið í Skipasundið að hitta Gunna Óla og frú og fá AFHENT. Já þá verður nú hátíð í bæ. Svo strax eftir það verður bara próflokafyllerí á mánudegi eins og það á að vera bara með öllum hópnum.

Jæja læra meira, BT

Fokking stærðfræði...

2004-11-19T23:21:00.000Z

..alltaf hreint. Já nú er það komið á hreint að ég mun reikna allt jólafríið því að ég er fallinn í stærðfræði og þarf að taka upptektarpróf strax eftir áramót. Þetta er nú samt eitthvað sem ég var alveg undirbúinn en alltaf fúlt að falla. Lítið við því að gera úr þessu nema að ná þessum fjanda bara þanna um áramótin. Soldið leiðinlegt að eyðileggja áramótin en ég sé til hvort ég eigi ekki alveg skilið að taka aðeins á því. Ég allavega veit hvað ég þarf að kunna til að ná og ef ég kann nóg þá verður eitthvað gert af sér.

En nú er bara eitt próf eftir og það svokölluð tölvuhögun. Þetta er samt eiginlega ekkert annað en dulbúin stærðfræði en hún ku vera eitthvað auðveldari en sú strjála. Nú er bara eins gott að þetta sé hægt að læra uppá fimm á einni helgi því að ég kann ekkert í þessu enn. Ég vil bara kenna kennaranum um það því hann setti ekkert skilaverkefni á okkur og þá náttlega að sjálfsögðu lætur maður fagið alveg sitja á hakanum.

Já jæja ég er þreyttur og er farinn að kúra mér... BT

Kerfisgreiningin búin..

2004-11-17T13:53:00.000Z

já ég var í kerfisgreiningu í morgun og jú mig grunar að ég hafi bara massað þennan fjanda eins og alvöru innfæddu hnakki myndi orða það. Ekki það að ég sé neinn hnakki því ég á ekkert í Hondunni sem ég ek um götur bæjarins á. Þökkum guði fyrir það að hún sé ekki gul því á meðan erum við seif.

Allavega er kerfisgreiningin búin og ég held að ég hafi náð. Allavega verð ég túrbó fúll alveg ef ég hef ekki náð þessu því mér fannst mér bara hafa gengið þokkalega vel. Svo er næst bara að reikna af mér rassgatið því á föstudaginn kemur er próf í strjálli stærðfræði. Það er eitthvað sem ég er frekar smeykur við. Eins og áður hefur komið fram á þessari síðu þá fer sem fer og þetta kemur í ljós bara...

jæja ég er farinn að reikna, BT

Vonn dán end þrí tú gó...

2004-11-16T15:30:00.000Z

..já ég var í forritunarprófi í gær og fer í kerfisgreiningu á morgun. Þetta lítur ekki vel út eins og er en fer sem fer og ég massa þetta bara í upptektinni þá í staðinn. Ég ætla ekki að gefast upp því nú þegar ég er byrjaður að læra þá sé ég að það er bara gaman og þetta er auveldara en ég hélt. Það versta er að ég byrjaði bara soldið seint að læra og þá er erfitt að bæta upp fyrir heila önn á nokkrum dögum.

Annars er það að frétta að það er nokkurn veginn frágengið að við fáum afhent seinnipartinn á mánudag og þá er ekkert annað gera hjá mér en að hrynja í það með látum því rjóminn af bekknum er með það planað að standa ekki í lappirnar um kvöldmatarleytið á mánudag og þannig á það að vera eftir svona törn. Húrra fyrir því ...

læra meira .. bæj í bili, BT.

Það er hvorteðer ekkert að gerast...

2004-11-11T20:13:00.000Z

..nema læra og læra þannig að ég er ekkert að hafa áhyggjur af ykkur þanna úti. Það er aldrei að vita nema þegar ég er búinn í þessum fjandans prófum sem ég blogga eitthvað meira en þangað til verður að duga eitthvað þunnildi...

BT

Það vantar ekkert smá mikið...

2004-11-09T14:26:00.000Z

..uppá yfirlýsingagleðina hjá mér núna. Þessa dagana er ég náttlega að játa mig sigraðan á þessu fjandans námi. Ég held að þetta fari ekki vel. En þá er ekkert annað að gera en að reyna aftur því það er þýðir ekkert annað. Ég fór líka alltof hægt af stað með þetta, hefði átt að gefa meira í til að byrja með en hvað vissi ég þá?? Kemur allt í ljós eftir nokkra daga en þá verð ég líka fluttur og ætli það sé ekki ein af stærri ástæðunum fyrir því að erfitt sé að einbeita sér að náminu. Það eru kannski margir sem ættu auðvelt með það að vera að kaupa fyrstu íbúð og ná að einbeita sér að náminu líka en það er sko ekki ég...

Jæja ég er farinn í tíma.. BT

Nú þýðir ekkert annað...

2004-11-08T22:53:00.000Z

..en bara að læra og það á fullu.

Það var mikið

2004-11-07T21:22:00.000Z

þetta bloggrusl getur alveg gengið fram af manni. Þetta er þriðja skiptið í dag sem ég reyni að blogga og þetta er fyrsta skiptið sem ég næ sambandi við þetta vegna álags býst ég við. Þetta er lítið gaman.

Annars var árshátíð í gær eins og áður hefur komið fram. Fyrst var farið að skoða Gljúfrastein sem var heimili þjóðarskáldsins okkar Halldórs Laxnes það var mjög gaman að skoða það. Miklu meira en ég bjóst við því þetta er allt óhreyft og lyktin þarna inni var mjög spes líka. Eftir það var farið heim til annars verkstæðins eigandans og drukkið og þaðan var farið niður á Lækjarbrekku að borða. Geggjað fínt í alla staði og ég mæli með Lækjarbrekku fyrir þá sem vantar meðmælingar. Samt þrátt fyrir fínt kvöld vantaði aðeins uppá að ég næði mér almennilega á strik svo að ég endaði snemma heima bara. Ég þakkaði að sjálfsögðu fyrir það heilsunnar vegna í dag.

Nú er ekki nema vika í próf og tvær þangað til þau eru búin og við Jane flytjum í Skipasundið. Það þýðir það að nú þarf ég að hreiðra um mig í skólanum og læra myrkranna á milli ef ég ætla að ná einhverjum prófum. Þetta verður strembið en þetta þarf að gerast því ég hef lítið sem ekkert lært hingað til. Sjeim on mí...

Jæja ég er farinn í andlegann undirbúning fyrir komandi viku.
Sjáumst, BT

Tryllt stuð á vetrarhátíð í gær

2004-11-06T13:22:00.000Z

Já það var geggjað stuð á okkur Jane á vetrarhátíð Visku í gær. Enda veit ég vel af því að ég hafi verið að taka á því í gær miðað við heilsuna á mér núna. Það snýst allt í hringi og mig langar að skríða ofan í holu og vera þar bara. Eða allavega þangað til ég fer á árshátíðina hjá Almenna í kvöld, þá lagast heilsan aftur í bili.

Annars fór ég á fimmtudagskvöldið og smellti mér á ferðavél. Aðeins notuð reyndar en ágætis gripur annars. Mjög sáttur við þau kaup því mig sárvantaði mína eigins tölvu en hingað til hafði ég afnot af reynsluboltanum hennar Jane. Það er ekki að óþörfu sem þetta heitir pc eða personal computer. Það er ómögulegt að vera með tölvu í láni þá getur maður ekkert sett þetta upp eftir eigins höfði. Samt það skemmtilegasta við þessa tölvu er að hún er sirka 3 - 4 ára gömul og ég fékk batterý sem virkar með henni og nýjan risa harðdisk. Ég hef aldrei haft jafnmikið pláss áður :)

Jæja ég er farinn að safna kröftum fyrir kveldið.
BT

Loksins í höfn..

2004-11-03T13:40:00.000Z

..já nú er búið að skrifa undir og við Jane eigum fasteign. Ekki fasteign á hjólum eins og Volvoinn í gamla daga heldur kjallarann í Skipasundi 1. Já það ríkir mikil hamingja í herbúðum okkar núna. Stefnan er tekin á að fá afhent jahh svona sirka 22. nóvember. Þá er bara að flytja inn því þetta er allt í toppstandi. Allt nýtt eða nýuppgert, hversu mikil snilld er það..? Nú er bara spurning hvort það sé ekki alveg við hæfi að láta fylgja mynd af eldhúsinu hans Gunna Óla ... sem nú er okkar.

Já það verður ekki amalegt að blása til veislu í þessu eldhúsi.....

Sjáumst, BT.

Djö.... er hægt að verða pirraður.

2004-11-02T09:22:00.000Z

Já ég hef verið að springa í morgun hreinlega. Það hefur ekkert gengið upp hjá mér eins og það hefur átt að gera. Þráðlausa netkortið í tölvunni hefur verið að rokka á milli tveggja statusa: very low eða no signal. Það er eitthvað sem getur fengið mann til að dýfa hnefanum annað hvort í gegnum skjái, lyklaborð eða í versta falli eitthvað sem á það enn síður skilið... Þá var ekkert annað en að taka upp netsnúruna og ok þá hélt ég að þetta myndi allt sleppa en nei það virkaði ekki fyrr en ég var búinn að prófa 4 af 4 innstungum.. þið getið ímyndað ykkur hve heitt var orðið undir mínum þá. Sumum finnst þetta kannski ekkert mikið en þetta var eitthvað sem gerðist á svolítið löngum tíma í fyrirlestri og svo var ég náttlega að reyna að láta lítið fara fyrir mér. Þetta bara vildi ekki ganga upp... ætli það sé ekki bara álag á kallinum ég held það eða skammdegisþunglyndi.

Það rifjast upp fyrir mér fyrir nákvæmlega ári síðan þá var svona stuttur í mér þráðurinn alltaf. Í vinnunni var ég alltaf að springa úr pirringi og verkfæri og annað fengu svo sannarlega að kenna á því. Ég fór og leitaði mér hjálpar þá hjá svokölluðum hómópata því mamma gamla mælti endilega með því. Sú kelling sagði mér bara að taka vítamín og eitthvað svoleiðis, ekkert þannig lagað sem hún gerði fyrir mig. Það sleppur nú samt alveg þar sem hún rukkaði mig ekkert mikið. Það sem ég held að ég þurfi er bara PRÓSAKK vegna SKAMMDEGISÞUNGLYNDIS. Af hverju er ekki hægt að fá svoleiðis án lyfseðils. Mig langar ekkert mikið að fara til geðlæknis, svo náttlega bitnar þetta á þeim sem síst skildi.... greyið jane og annað fólk í kringum mig.

Jæja ég er farinn að hugsa minn gang... BT

Svakaleg helgi er framundan...

2004-11-01T19:46:00.000Z

..já það er ekkert smá bara bæði vetrarhátíð Visku (stúdentafélag HR) á föstudeginum og svo á laugardeginum mun Almenna Bílaverkstæðið halda árshátíð. Semsagt það verður tekinn tvistur.. rétt fyrir próf. Ekki veit ég hversu gott það er. Ætli maður þurfi þá ekki að vera extra duglegur að læra alla vikuna.. jú ég held það. Samt sit ég hérna núna og er að þessari vitleysu í staðinn fyrir að vera læra. Ég á í miklum erfiðleikum með að einbeita mér stundum, sem er ekki gott. En mér finnst ég nú eiga soldinn rétt þannig lagað á að taka aðeins á því þar sem ég var alveg NOS stilltur nýliðna helgi.

nú þarf að fara að læra gott fólk... BT

Magnaður fjandi...

2004-10-31T19:31:00.000Z

..þetta með heilsuleysið og að vera þunnur án þess að drekka. Eins og áður kom fram þá fékk ég mér pizzu í kvöldmatinn í gær og fékk mér bjór með, þannig fékk ég sönnun á því að þetta var þynnka en ekki einhver slappleiki því bjórinn virkaði bara nákvæmlega eins og afréttari. Ég varð helhress alveg... Hvernig er það hægt að verða þunnur án þess að drekka neitt? Mjööög sérstakt.. En mér til allrar hamingju vaknaði ég hress í morgun bara. Var farinn á fætur klukkan 1/2 11. Það er alltaf gott að vakna hress og hafa daginn fyrir sér og gera hvað sem maður vill..

Annars er ég bara búinn að vera í skólanum í allan dag eða frá hádegi allavega. Það versta er að mestallur tíminn fór í eitthvað annað en að gera verkefni. En það er komið soldið á veg svo að það þarf ekkert að örvænta með það sem betur fer.

Svo á morgun kemur nýr dagur og ekki er annað hægt en að líta hann björtum augum bara. Já fyrirlestrar í forritun og stærðfræði svo eftir skóla er að ná í hana Jane mína sem hefur verið sárt saknað meðan hún hefur verið að vesenast í Svíþjóð. Svo er aldrei að vita nema hún hafi keypt eitthvað í búið...

nýja lyklaborðið mitt er ein mesta snilld sem ég hef komist í lengi. Ég fór og smellti mér á glænýtt borð bara. Þetta er svokallað natural multimedia lyklaborð en svona lítur það út..

þið verðið samt að afsaka myndgæðin en myndavélin í símanum mínum er bara ekkert betri en þetta og ég nennti ekki að taka fram Olympusinn. Þið allavega náið því alveg hvernig það lítur út. Þetta svona við fyrstu sýn virkar á mann sem eitthvað geggjað óþægilegt en eftir eina mínútu þá er þetta alveg túrbó næs. Svo er þetta alveg yfirfullt af allskonar shortcut tökkum til að létta manni lífið. Þetta lyklaborð er líka eina ástæðan fyrir því að ég nenni að skrifa svona mikið.. sorrí..

Jæja ég er rokinn.. BT

Hvað er að angra mig eiginlega???

2004-10-30T19:00:00.000Z

Þetta er önnur helgi á mjööög stuttum tíma þar sem ég vakna helslappur án þess að hafa drukkið einn dropa af áfengi. Ég er í meira lagi ósáttur við þetta. Ég var bara heima að læra og hanga í allt gærkvöld og var farinn mjög snemma að sofa og vakna með trylltan hausverk og magaónot alveg eins og ég hefði verið á þessu rokna fylleríi. Er þetta vítamínskortur eða vatnsskortur?? Hvað er þetta?? Veit það einhver þarna úti? Ef svo er endilega hjálpið mér.. ég er að verða ráðþrota og ÖRVÆNTINGARFULLUR, nei það er nú lygi en þið megið endilega benda mér á einhver ráð.

Annars var ég bara í skólanum í dag að reyna að gera skilaverkefni og það gekk illa vegna heilsuleysis. Það er lítið annað að frétta held ég bara. Jú það er eitt, á miðvikudaginn kl. 11:30 verður skrifað undir kaupsamninginn. Loxins loxins segi ég nú bara.. það er búið að bíða lengi eftir því að geta gengið frá þessu skal ég segja ykkur. Þannig að eftir hádegi á miðvikudaginn verður tekið á móti öllu því sem fólk vill gefa okkur til að óska okkur til hamingju... blóm og kransar samt afþakkaðir.

Jæja ég er farinn niður að éta pizzu mér til þónokkurar hamingju.. BT

Nú er bara kominn föstudagur...

2004-10-29T16:12:00.000Z

.. og konan farin út til Svíþjóðar að vesenast sem yfirleitt myndi kalla á það ég færi að djamma. En nei ekki í þetta skiptið því það er vitlaust að gera í skólanum og mjög stutt í próf... já það eru ekki nema rúmar tvær vikur svo er líka skilaverkefni í stærri kantinum sem þarf að klára. Annars er það nú alveg klárt að ég færi að djamma með strákunum og tæki vel á því með þeim eins og í gamla daga. Damn það var nú gaman...

Jæja það þýðir ekkert að vera að hanga yfir þessu því ég þarf að forrita. Já og nú ætla ég að forrita eins og vindurinn.. eins og vindurinn segi ég.

BT...

Góðan og blessaðan..

2004-10-28T09:31:00.000Z

já ég náði bara að drattast á fætur í morgun og mætti í tíma svona þokkalega á tíma... sniðugt. En þetta rugl í tölvuhöguninni er bara að rústa mér. Ég skil ekki rassgat í þessum fjanda. En vonandi næ ég eitthvað að pæla í þessu áður en ég fer í próf. Kemur í ljós, kemur í ljós...

Hey hafið þið pælt í hvað beinar þýðingar geta verið sniðugar.. frá ensku yfir í íslensku? Ef við pælum t.d. í microsoft þá myndi það útleggjast sem pínulítiðmjúkt.. það finnst mér fyndið og líka ef ég væri nýbúinn að kaupa mér nýja mús frá microsoft (sem ég er reyndar nýbúinn að gera) þá væri það pínulitlamjúka músin mín og það er ennþá fyndnara.. svo væri náttlega lengi hægt að halda áfram ef hugur minn væri frjórri, hann bara er það ekki.

Jæja nú er ég farinn að hlusta á ofurbreinið sem er að reyna að kenna mér Tölvuhögun. óver end át.. BT

Nú er letin að drepa mig...

2004-10-27T13:48:00.000Z

já ég er að drepast úr leti. Hef valla nennt að draga andann í dag. En nú þarf ég að sparka aðeins í bossann og drífa mig áfram því ég þarf að gera skilaverkefni í kerfisgreiningu, meirað segja hópverkefni. Við erum þrír saman og það þýðir þá ekkert að hangsa því annars verð ég bara leiðinlegi lati gaurinn sem nennti ekkert að gera og það vil ég ekki. Wish mí lökk... BT

Hvað er málið eiginlega...

2004-10-26T08:42:00.000Z

..með það að fella niður tíma? Það sossum er í sjálfu sér allt í lagi en að láta vita kvöldið áður klukkan 9 það er eitthvað sem bara gengur ekki alveg upp. Eins og í dag var ég mættur klukkan 8:13 og tíminn á að byrja klukka 8:15 geggjað ánægður með mig þar sem ég er yfirleitt svona kannski 5 mín of seinn. En um leið ég mæti þá kemst ég aððí bara að það er enginn tími. Ég varð fjúríus. En svona er þetta bara. Þá var bara ekkert annað að gera en að slíta uppúr töskunni stærðfræðibækurnar og byrja að reikna. Það versta er að mig svona scientific vasareikni (Jane viltu lána mér þinn?) ég er búnað tína mínum...

Og já alveg rétt Óli fasteignasali ef þú ert að lesa þetta þá þarftu nú aðeins að fara að hysja upp um þig buxurnar þetta gengur ekki lengur!!! Við erum búin að bíða og bíða. Ef þú hringir ekki í dag með einhverjar fréttir þá er aldrei að vita hvað gerist... ekki það að ég sé að hóta neitt sko nema þú viljir hreinlega túlka það þannig.. já ég þekki fólk sem þekkir fólk sem þekkir fólk.. svo náttlega þekkir vinur frænda vinar míns krumma í mínus..

Nóg af vitleysu í bili. BT.

Af hverju fær maður ekki alltaf það sem maður vill??

2004-10-25T18:22:00.000Z

Ég er þreyttur á því að ég fæ bara ekki allt sem ég vil. Hvað getum við gert í því. Þið hljótið að kannast við þetta. Veltið þessu nú aðeins fyrir ykkur.. hvað er það ekki sem ykkur langar í og fáið ekki? Það er alveg á hreinu að það er ansi margt.

Þangað til næst.. BT

Vox segiði já...

2004-10-24T18:09:00.000Z

..damn það var fínt á Vox. Kannski bara alltof fínt fyrir okkur Jane þar sem við höfðum ekki hugmynd um hvað við vorum að fara útí. Veitinagastaður staðsettur undir Nordica hótel ansi grand og kostnaðurinn já alveg eftir því. Nú er ég ekkert að kvarta yfir þjónustunni eða matnum eða neitt, þó jú ég hef nú alveg fengið betri mat þegar ég hef farið út að éta en þetta var alveg túrbó flott allt. Við semsagt átum mat og drukkum vín með og það kostaði alveg heilt heimabíókerfi. Já ég sagði heimabíókerfi (reyndar ódýrt kerfi en samt).

Semsagt ég mæli sossum alveg með þessu ef þið eigið skítnóg af péníngum. Já jæja ég er farinn að éta heimalagaðann fínan og góðan mat þar sem ég þarf ekki að borga krónu fyrir.

BT

Hvað haldið þið...?

2004-10-23T16:18:00.000Z

..haldiði að ég hafi ekki bara endað á djamminu í gær.. já en sem betur fer var það leiðinlegt svo að ég fór snemma heim. Það að sjálfsögðu bjargaði deginum að vissu leyti en ekki alveg. Við Jane fórum í Kringluna og keyptum fullt af rusli í eldhúsið þar á meðal tvær pönnur og fullt af dóti til að hræra með og svona...

Annars erum við núna á leiðinni á Vox út að éta fyrir allt klinkið sem við erum búin að vera að safna undanfarið í krukku. Já það er fljótt að koma þegar maður setur hundraðkallana alla og fimmtíukallana líka. Á nó tæm bara tæpur tíuþúsundkall.

Já jæja ég er farinn að kýla út belginn... BT

Það hefur komið í ljós...

2004-10-22T13:40:00.000Z

...að getraunirnar mínar eru of auðveldar. Allavega fyrir suma(r). Ég kem með nýja og erfiðari í næstu viku. Annars hefur þetta blogger.com rusl verið að stríða mér. Þetta er stundum ekkert að meika álagið sem er á þessu krappi og þegar ég hef verið að reyna að pósta þá skítur þetta bara á sig. Sem er slæmt. Það þarf að athuga þetta eitthvað. Og þegar ég verð orðinn alveg ofurtúrbóforritunarnörd þá náttlega bara smíða ég mína eigins síðu, en það er eitthvað sem er ekki alveg að gera sig strax með mína forritunarhæfileika. Það verður tryllt síða með myndasýstemi og öllu. Þar sem ég hef svo mikinn áhuga á myndum, sérstaklega þeim sem teknar eru á fylleríi og enginn man neitt...

þessi er gott dæmi um það en ég man ekki rassgat eftir þessari. Já það er gaman að djamma. Ekki að það verði mikið gert af því þessa helgi, það er alltof mikið að gera hjá mér til að það sé hægt að missa dag úr vegna þynnku.

Talandi um að hafa mikið að gera þá ætla ég bara að fara að læra núna. blúbbsí BT...

Þá er komið að því ...

2004-10-20T10:24:00.000Z

...getraun númer tvö.
Hvað heitir þessi ágæti kall og í hvoru liðinu var hann???

í verðlaun er fullur hagkaupspoki af tómum lofttæmdum tveggja lítra flöskum.
Það þýðir kannski alveg 50 kall eða eitthvað. *CHEER*

Þetta kallar maður tíðindi...

2004-10-19T21:08:00.000Z

...já Háskólinn í Reykjavík og Tækniháskóli Íslands hafa nú samþykkt að sameinast. Þetta kannski káfar ekki beint uppá mig á næstunni neitt frekar en THÍ-inga en þetta er sérstakt. Þarna verður víst til næststærsti háskólinn á landinu á eftir blessuðum HÍ. Núna má næstum segja að ég sé í sama skóla og Elli bróðir og greyið hann því að mér skilst að skólagjöld hækki um 500% hjá THÍ við þetta. Ég efast stórlega um að þeir fari að lækka þetta í HR en þar eru skólagjöldin svimandi há... já gaman að þessu.

Annars er maður bara í ruglinu núna að reyna að krafsa saman skilaverkefni í forritun. Þetta er alveg túrbóstórt verkefni á minn mælikvarða. En það er meira gaman núna en undanfarin skilaverkefni í þessu fagi þar sem ég tel mig skilja lítið eitt meira en áður skiluðum verkefnum. Svo fer að styttast í að þurfi að skila hópverkefni í kerfisgreiningu en það var stuð og stemning í síðasta verkefni þar. Já það er oftast gaman að vera í skóla. Allavega þegar maður skilur það sem maður er að gera.

Fyrir þá sem eru að velta því fyrir sér hvað er að frétta af íbúðarmálunum þá eru öll okkar gögn núna niðrí íbúðalánasjóði og þeir þurfa að taka sér soldinn tíma í að fara yfir þau. Um leið og fasteignasalan fær þau í hendurnar aftur þá verður kallaður fundur með Skímófrontinum þá þurfum við Jane að setja nafnið okkar á frekar marga staði, borga sveitta fúlgu úr skjaltösku í seðlaklemmu og svo megið þið drekka okkur skál. Já þetta er að bresta á. Æll kíp jú informd. Bremsufarogþokuljós bless...

Reiðlétting...

2004-10-19T08:28:00.000Z

...já ég fór með rangt mál í gær þegar ég kallaði hljómsveitina DMX Crew en hún heitir DMX Krew. Það sýndi sig í gær að ég var löngu hættur að pæla í þessu þegar ég fletti þessu bandi upp á allmusic.com. En það er einn besti tónlistarvefur sem ég hef fundið ennþá. Þar er hreinlega allt sem þú vilt vita um músík. Það kom þá uppúr krafsinu að þeir hafa gefið út 4 plötur.. magnað alveg. Svo í framhaldi af því fann ég annað lag á DC-inu og það var nú aldeilis spes.

Af öðru er að lítið að frétta. Nema jú ég reiknaði meira í gær en ég hef reiknað heima áður og já ég skildi meira en ég er vanur. Það líkaði mér ágætlega við. Svo eftir mikla útreikninga kom Jane og hjálpaði mér með næsta skilaverkefni í forritun. Þannig að þetta er á þokkalegri leið í dag...

Djö....s viðbjóður er sumt sjónvarpsefni í dag. Raunveruleika-TV er eitthvað sem ég á erfitt með að láta mér líka við. Jú ég get horft á Survivor án þess að mér finnist það alveg túrbó leiðinlegt en það er ekkert skemmtilegt. Svo er bara annar hver þáttur eitthvað svona raunveruleika kjaftæði. Hvað er málið með Idolið til dæmis?? jú ég get horft á það einn en um leið og fólk er í kringum mig eitthvað að tala um þetta eins og það hafi heilmikið vit á þessu þá verð ég pirraður... soldið sérstakt.
Já eins og ég hef sagt áður þá er erfitt að vera ég því áður umræddir þættir eru uppáhald hennnar Jane... hvað er málið með þetta jane nafn af hverju kallar hún sig ekki She-ra....?? Jæja nóg af vangaveltum í bili .. BT

Nú datt ég í lukkupottinn...

2004-10-18T13:01:00.000Z

..ég var að leita og leika mér á DC++ sem er nú ekkert merkilegt útaf fyrir sig. Ég geri það oft og mikið. Allar götur síðan ég fór að fikta í tölvum og leita að tónlist á netinu hef ég leitað að einu lagi sem var vinsælt '97/'98. Man það að Þossi spilaði þetta lag mikið á sínum tíma og ég var alltaf að spyrja hann um þetta lag. En allavega löngu búinn að gefast upp á leitinni að laginu og hljómsveitin ekkert þekkt datt ég niðrá það ... vá það fór alveg hrollur um mig sem kannski lýsir því hve mikið ég hef nú leitað. Lagið heitir Come to me með hljómsveitinni DMX Crew. En það skal skýrt tekið fram að þetta er ekkert skilt rappara lúðanum þanna DMX. Það versta er að lagið var bara miklu betra í minningunni ekki það að ég hafi orðið fyrir alveg túrbó vonbrigðum en jú samt soldið.

Annars fékk ég að sofa út í morgun þar sem Hallgrímur forritunarkennari brá sér erlendis og nú er ég bara að bíða eftir að komast í stærðfræðifyrirlestur. Já það er nú alltaf gaman að hlusta á hann Halldór. Hann er fínn kall sem er nú aldeilis búinn að lesa og reikna mikið þar sem hann er bæði master í stærðfræði og tölvufræði... það finnst mér soldið mikið..

Já jæja ég er rokinn ...

Alveg þokkalegt gærkvöld...

2004-10-16T14:55:00.000Z

..já vísindaferðin sem farið var í Skýrr í gærkvöldi heppnaðist vel bara. Það var vel veitt að vanda og allt yfirfullt af Dominos pizzum. Svo að ég náði að setja vel á mig af hvoru tveggja eins og við er að búast. Enda í dag þegar þetta er skrifað er heilsan ekki alveg sú besta. Ég held að ég hafi skilið magann eftir einhversstaðar niðri í miðbæ þar sem ég slátraði heilli pizzu í viðbót niðrá Devitos með alltof miklu chili kryddi. Það fer alveg með magann í manni. Heimska chili og heimski ég fyrir að læra aldrei... með baráttukveðjum fyrir betri heilsu og já börnin heim....

Svo eftir á var alveg helfínt Viskupartý í Ásbyrginu sem ég kunni vel við. Það er svo mikil snilld við þessi Viskupartý alltaf hvað það er ódýrt á barnum. Þar sem drykkurinn minn einfaldur GT kostar ekki nema 300 kjall. Það er sko vel sloppið. Já jæja ég bið ykkur vel að lifa og farið varlega í kvöldið í kvöld..
BT blússss...

Nú er þetta svona næstum næstum í höfn...

2004-10-14T21:27:00.000Z

..já við fengum viðbótarlánið samþykkt í dag frá féló. Okkur finnst nú soldið sniðugt að við erum að fá hjálp frá féló. En allavega nú er loxins hægt að ganga frá kaupunum. Enda kominn tími til. Nú er búið að kaupa ýmislegt í búið og fá loforð fyrir ýmsu. Svo að þetta er á mjög góðu róli. Svo má búast við að við fáum afhent í lok nóvember því ekki gengur það fyrr vegna minna fjandans prófa. Það þýðir lítið að vera að flytja eitthvað í miðjum prófum, það myndi allavega hjálpa mér lítið.

Þarna er svo íbúðin. Þegar vel er að gáð sést í eldhúsgluggann og aðeins inn í garðinn okkar Jane. Sem er stór, sem er gott....

Já jæja ég er farinn að fá mér smá bjór.... sem er gott blúbbs BT...

Nýja talvan mín...

2004-10-14T10:37:00.000Z

Já ég var nú heppinn að detta niðrá hana þessa. Var búinn að leita mjög lengi að almennilegri tölvu og loxins loxins fann ég eitthvað almennilegt. Með þessari græju opnast alveg nýr heimur fyrir mér. Hugsið ykkur bara....
...BT enn fastur í the 80's.

Sigurvegari...

2004-10-13T11:40:00.000Z

we've got a WINNER .. það versta er að þessi sillí mú gleymdi að skilja eftir nafn, kennitölu, heimilisfang, bankanúmer, visa númer og fleiri minniháttar upplýsingar. Einhvern veginn þarf ég að koma tyggjóplötunni til skila ... svo að vinsamlegast smelltu þeim áleiðis... BT í 80's he man fíling..

Getraun...

2004-10-13T09:43:00.000Z

Hvað heitir þessi og í hvaða þáttum var hann???
Í fyrstu verðlaun er ekkert en önnur verðlaun eru vegleg. Já þið fáið 4mg. nikótín tyggjóplötu ...jei !!!!

Nú fer þetta að verða búið...

2004-10-12T10:25:00.000Z

já mér gengur svo illa í skólanum að ég hef misst matarlystina. Það er eitthvað sem ég hélt að myndi aldrei gerast. Nú hef ég ákveðið að setjast að hérna innan veggja skólans á lesstofu og sökkva mér í námið því það þarf róttækar breytingar til að ná þessu. En til að skýra mál mitt er erfitt að einbeita sér að náminu meðan maður er að festa kaup á íbúð og hætta að reykja og allt. Já það er erfitt að vera ég. Öll framlög eru vel þegin og mega þau felast í faðmlögum og hughreystingum. Tekið verður á móti öllu milli kl. 13 og 14.35 í stærðfræði tíma í dag.

Lifið heil ... vona að ég geri það BT...

Já jæja...

2004-10-11T16:14:00.000Z

...ég er lifandi ennþá eftir alveg hreint ömurlegan gærdag. Þessi dagur var dagur dauðans á mínu dagatali. Ef ég á eftir að eiga marga svona þynnkudaga án þess að hafa dottið í það daginn áður þá ætla ég að vera bara oftar fullur. Það er eitthvað sem er á hreinu og helst bara í hendur. Nú er greiðslumatið komið í okkar hendur aftur klárt og lítur vel út bara, kannski bara of vel, þá er bara næst að henda þessu í féló til að sækja um viðbótarlánið. Já það hljómar einfalt en sjitt hvað það er mikið vesen. Ég nenni nú samt ekki þylja allt upp sem þarf að vesenast í en það er sko mikið bílív jú mí...

Það er nú ekkert lítið sem ég á bágt alltaf ef ég sé eitthvað tilboð í einhverjum BT eða Expert bæklingi. Nú sá ég myndavél á trylltu tilboði og ég held vart vatni. Ég segi nú ekki að ég muni míga á mig en samt... Ég hringdi niðureftir og þessi blessaða vél er uppseld og ég hugsaði með mér sem betur fer því ég hef ekkert við þetta að gera þar sem við Jane eigum vél fyrir. Það versta við þessa vél okkar er að hún er mesta leiðindamyndavélatussa sem ég hef prófað. Þess vegna langar mig í aðra. Þá þurfti skrambans pungurinn niðrí Expert að segja mér það að úr því að þessi sem auglýst var er uppseld setja þeir aðra aðeins dýrari á alveg mega-tryllt tilboð og ég skal segja ykkur það að ég þarf að halda mér í skrifborðið til að fara ekki að kaupa hana hreinlega... já hjálpi mér allir æðri. Sé til hvað ég geri...BT

Það er hunddrullufúlt...

2004-10-10T13:11:00.000Z

að þurfa að vakna alltaf. Mér finnst mjög leiðinlegt að vakna og alltaf væri ég til í að sofa aðeins lengur en ég fæ að sofa. Semsagt það er tussufúlt og leiðinlegt að vakna. En það alversta og það sem ég hata mest af öllu er að vakna eins og um þessa helgi líða eins og maður sé ÞUNNUR!!! Það er eitthvað sem ég alls ekki skilið núna. OK það er hægt að kvarta aðeins þegar maður á það skilið en þegar maður er búinn að eiga svona heila helgi án þess að drekka deigan dropa og vakna svo eins og versta tussa með hausverk og linheit.... hvað þá ??? BT með linheit ...

Hvað haldið þið maður....

2004-10-09T23:16:00.000Z

... ég fór bara og keypti áður margrædda sláttuvél áðan. Já eftir miklar og langar pælingar þá ákváðum við það að kaupa hana bara. Samt það þurfti nú ekki að koma mikið á óvart að hún var nú ekki alveg jafn öflug og flott eins og í BYKO-pésanum. Nei það var nú aldeilis ekki ég þarf meirað segja að byrja á því að laga hana. En það er nú ekkert sem ég ræð ekki við. Og munið það hún var ekki dýr. Annars fengum við ísskáp áðan og hann er sko ekki á leiðinni í eldhúsið mitt!!! Ónei hann er forljótur illa lyktandi og brotinn að auki... Svo að nú er bara að vona að hinn ísskápurinn og uppþvottavélin séu eitthvað skárri annars verður allt vitlaust.

Svo af öllum stöðum til að enda langan verslunarleiðangur á enduðum við í kolasorpinu eða kolaportinu eins og flestir þekkja það. Þvílíkt samansafn af rusli og viðbjóði. En samt ég keypti mér harðfisk og tölvuleiki og Jane keypti sér nammi. Semsagt við vorum mjög ánægð með þá ferð. Annars komum við mjög víða við í dag og skoðuðum húsgögn og heimabíókerfi. Já já þokkalegur dagur bara... hefði mátt enda á sottlum bjór en ég verð feginn á morgun að hafa sleppt því. Allavega stefnir allt í að enginn verði bjórinn þar sem klukkan er alveg orðin 23:26 þegar þetta er skrifað.

Já manni finnst bara draga til tíðinda þegar maður er alveg ekkert að fá sér heila helgi. Það er meirað segja stutt síðan að ég átti aðra eins helgi. Ætli ég sé að verða svona gamall.. nei það getur ekki verið. Þetta hlýtur bara að vera eitthvað stundarbrjálæði.. léttsteiktur skítur - mjúkur að innan stökkur að utan .. BT

Jæja þá eru prófin búin ...

2004-10-08T11:53:00.000Z

... í bili að minnsta kosti. Seinasta prófið var áðan og það var stærðfræði. Það gekk í alveg í stíl við það sem búið er. Semsagt ILLA. Þá var bara eitt í stöðunni ég brunaði heim staðráðinn í því að fara að læra. Núna er bara að búa til áætlun og fara svo eftir henni. Um helgina er ég að spá í að lesa einn kafla í forritun og gera svo verkefni eftir því. Eða uppúr þeim kafla. Svo ætla ég að spá aðeins í tölvuhöguninni, ekki veitir af því, það er ekkert annað en annar stærðfræði áfangi. Svo þegar það er búið er best að kíkja aðeins á blessaðu strjálu stærðfræðina.

Helv.... greiðslumatið ætlar aldeilis að láta bíða eftir sér. Nú erum við búin að bíða síðan á þriðjudag og við erum ekkert að fíla alla þessa bið. Ég bara trúi ekki öðru en það skili sér í dag. Annars fer ég að standa í hótunum og ég nenni því ekki núna. Glens. Ég er ekkert í því að standa í hótunum núna frekar en nokkurn tíman.

Ég er ekkert alveg að ná því hvað er að mér. Ég er alltaf að hugsa um þessa blessuðu sláttuvél sem ég sá í BYKO-blaðinu í vikunni. Reyndar er það þannig að í vor þegar okkur vantar hana þá fáum við enga undir 20.000 kalli og þessi kostar bara 8.900 sem er gott. Jæja það kemur bara í ljós hvað ég geri í því.

Fjandans kuldi er þetta úti þessa dagana. Ég er að verða eins og versta kelling. Kominn með varaþurrk og allur að þorna í andlitinu. En það er sko alveg á hreinu að ég mun ekki fyrir mitt litla líf bera á mig eitthvað fjandans rakakrem. Fyrr frís í helvíti. Rakakrem er fyrir kellingar og hananú!!! Það er sama hvað hver reynir að telja mér trú um það að sé í lagi fyrir GAURA að nota krem ég skal ekki. Varasalvi er á mörkunum en við látum hann sleppa. Hann er líka svo góður á bragðið. Allavega þessi í bláu dollunum með skrúflokinu ég gæti étið hann (hef reyndar oft gert það).

Já jæja forritunarbókin kallar. Ég næ að greina veikan tón frá henni.... blússss BT

Nú er að koma föstudagur og þá er þetta við hæfi ...

2004-10-07T15:48:00.000Z

Erdinger-faðirvorið

Bjór minn vor
þú sem ert í flösku
frelsist þinn tappi
tilkomi þín froða
freyði þínir humlar
svo í glasi sem í munni
svalaðu í dag mínum daglega þorsta
og skeyttu ei um vísaskuldir
svo og líka hjá þyrstunautum mínum
eigi leið þú oss á Astró
heldur ei á Nasa
því að þitt er valdið
gleðin og stuðið
að eilífu

Erdinger ...

Nú þarf að fara að kaupa sláttuvél...

2004-10-07T14:05:00.000Z

... já nú er kominn tími til að fara að kaupa svona tilboðsvél í BYKO þar sem garðurinn sem fylgir Skímóhofinu er risastór og bara fyrir okkur Jane með risatúni. Kannski ef að vel liggur á mér í vor þá býr maður til grín með holu og öllu. Já það væri nú gaman. Kemur í ljós.

Kannski reddast þetta allt saman með skólann. Ég bara trúi ekki öðru. Ég allavega er á leiðinni heim núna að læra. Svo þegar það er búið ætla ég að læra aðeins meira. Og kannski smá í viðbót. En það er líka eitthvað sem þarf bara að koma í ljós. Vonandi að þetta sleppi bara en það lítur ekki vel út núna eins og staðan er .... blúbbs ...

Þetta er algjör snilld ...

2004-10-06T13:24:00.000Z

... nú er búið að redda okkur ísskáp, meirað segja tveimur, og líka uppþvottavél og það sem er skemmtilegast við þetta er að þetta er allt ókeypis. Hversu gaman er það ? En það á nú samt alveg eftir að taka þetta út og sjá hvort að þetta hæfi okkur hjúum því við leggjum mikið uppúr stíl og útliti. Með öðrum orðum þá þarf Völu Matt að finnast þetta kúl.. nei ég segi nú svona en þetta má alls ekki stinga í augun. Þetta getur valla verið töff þar sem þetta er gefins. Eníhú það kemur bara í ljós.

Djöfull fokking skeit ég á mig í forritunarprófinu. Já ég fékk einkunn sem verður ekki rituð niður hér en þið getið bara ímyndað ykkur hver hún hefur verið. Hún var allavega það lág að ég skeit uppá bak. Nú er að fara að lesa og lesa og lesa. Ég hef enn engin komment fengið á lyfin í sambandi við einbeitingarleysi. Svo að kannski er þetta er bara ykkur að kenna. Já hér með kenni ég ykkur þanna úti bara um þetta. Fávitar!!! eða kannski ekki .. ég veit það ekki en þetta er allavega kvörtun við lyfjaleysi.

Jæja ég er farinn í þunglyndi og leiðindi ... BLESS!!

Greiðslumat ...

2004-10-05T13:43:00.000Z

Já jæja nú er greiðslumatið komið af stað. Vorum að koma frá bankanum núna og þetta er í vinnslu. Sem er gott. Svo er bara að vona við komum flott útúr því reyndar er engin hætta á öðru virðist vera þar sem Jane vinnur í bankanum sem greiðslumatið er í. Þá er bara það eina eftir að fá viðbótarlánið en það ætti að ganga upp. Það er allavega ekkert því til fyrirstöðu. Amen fyrir því.

Já þau eru spennandi íbúðakaupin ... blússsss BT ....

Gera og græja á fullu...

2004-10-04T13:01:00.000Z

Já nú er allt á fullu fyrir greiðsumatið. Finna til allt sem þarf að skila inn svo að fólkið í bankanum sjái hve svakalegar fjárhæðir eru í gangi hjá BT og Jane. Svo um leið og það er búið verður hægt að ganga frá kaupunum. Þetta ferli ætti að taka eitthvað um viku, það verður löng vika sérstaklega þar sem ég er í prófum. Þetta er er nú ekkert til að hjálpa annars einbeitingarlausum manninum.

Í dag er mánudagur og oftar en ekki er það annar í þynnku. Já það má með sanni segja að það á við þennan mánudag. Slappur með eindæmum þó að maginn hafi sloppið fyrir horn. Það sem bjargaði maganum var skyr.is drykkurinn nýi sem er mikið sniðugur.

Já jæja ég verð víst að læra meira um það hvernig tölvur haga sér. Það er ekkert einfalt skal ég segja ykkur.

BT ...

Fínt í sveitinni

2004-10-03T19:05:00.000Z

Já það var bara gaman í sveitinni um helgina. Hefði mátt læra aðeins meira samt en svona er þetta bara. Hvernig er það eru til einhver lyf við einbeitingarleysi? Ég á svo svakalega erfitt með að einbeita mér. Bara get það ekki. Vantar lyf við því ásamt miklu meiru reyndar. Svo vantar mig náttlega alltaf þynnkulyf. Ég afrekaði að stúta einni rauvín á mettíma í gærkvöldi ásamt náttlega öllu hinu áfenginu sem lak oní mig. Maður uppsker alltaf það sem maður sáir því er ég glær í gegn núna og á mjög bágt.

Svo eru stórar fréttir núna mar. Kauptilboðinu í Skipasundið var tekið. Svo að fastlega má búast við kallinn flytji að heiman innan tveggja mánaða. Það eru sko fréttir. Go Gunni Óla... já það er ekkert lítið sem ég er sáttur við þetta. Nú er bara að fara ná í ískápinn sem við vorum að fá gefins. Skoða þvottavélar og húsgögn sjitt þetta verður spes en gaman jei !!!

Já jæja nú er að fara að skoða helvítis forritunina og reyna að læra smá. Étið skít lömbin góð þangað til næst ... BT ..

Já það er ekkert annað ...

2004-09-30T22:25:00.000Z

Það er tryllt stutt í næsta föstudag. Hann er bara hours away. Það er verst að það er búið að eyðileggja helgina með miðannarprófum annars væri það bara helsveitt fyllerí eins og venjulega. En í staðinn þarf að læra og lesa og reikna og forrita og æi þið vitið... kannski einn eða tvo í sveitinni kemur bara í ljós.

Hotdamn hvað það er gaman að vera með tryllta hringitóna. Þ.e.a.s. ef þið eruð með svokallaðan fjöltónasíma þá mæli ég eindregið með www.polyphonicringtonez.com þetta er skásta síða sem ég hef enn fundið með fríum tónum.

Hversu góð hljómsveit er Air?? Verða hljómsveitir í þessum flokki eitthvað betri? Ef þið vitið um eitthvað þá endilega kommentið á það. Air er (sniðugt) eitthvað sem ég get hlustað á endalaust. Svo náttlega inná milli verður að þyngja þetta til muna en svo snýr maður aftur beint í Air-ið sitt og verður helfínn.

Ég hef enn engan bíl fengið. Mig vantar bíl. Gefið mér bíl. Nei nei ég er ekki með neina frekju en mig er farið að vanta líka nýjan HD í tölvuna mína. Seinast þegar ég gáði þá voru bara örfá megabæti eftir og fara hratt niður á við. Já ég er búinn að fylla diskinn minn af músík sem er gott. Það gengur fyrir öllu öðru. Það versta er að nú liggur helvítis DC-ið niðri en það er alltaf eftir einhverju að slægjast í skólanum. Smá huggun í því.

Þetta fasteignabrask er að eyðileggja allt fyrir mér. Ég þarf að vera mættur niðrá fasteignasölu klukkan 9 í fyrramálið til að hækka tilboðið í Skítamóralshofið. Já fasteignasalinn sagði að það væri komið annað tilboð í blessaðann kjallarann svo að þá megum við Jane skunda þangað til að hækka áður gefið tilboð. Það er sossum alltílæj en ekki gaman. Getur helv.. hnakkinn ekki bara selt okkur pleisið ..? Það er semsagt engin mæting hjá mér í skólann fyrr en klukkan 10 en ekki 8 eins og ég á að gera. Sem er slæmt því ekki veitir mér af því að fylgjast með því sem er að gerast þar.

Þið eruð kannski að velta því fyrir ykkur hvað í fjandanum ég nenni að halda svona endalaust áfram með þetta blessaða blogg en það er nú bara þannig að ég hef ekkert að gera núna og er fjandanum ofvirkari svona tóbakslaus. Já tóbakslaus því ég er enn hættur öllu. Sem er gott. En í staðinn tygg ég eins og ég eigi lífið að leysa úr þessu blessaða nikótíntyggjói. Já það gefur mér stundarfrið.

Jæja ég er farinn að tyggja .... BT

Nú er spennan að magnast...

2004-09-30T17:47:00.000Z

Já það er ekki laust við spenning á vígstöðvum Jane og BT. Þá liggur fyrsta tilboðið okkar fyrir í íbúð. Og já það er engin önnur í íbúð en íbúðin hans Gunna Óla. Ég er búinn að lofa mér því að ef þetta gengur eftir þá ætla ég að spila eitt lag á dag með Skímó alla mína daga í þessari íbúð. Eitt á dag kemur lífinu í lag og svo framvegis ...

En lífið er enginn dans á rósum samt. Miðannarprófin eru hinum megin við hornið og mér líst ekkert á blikuna. Þó er ég á leiðinni á friðsælt sveitasetur til að læra alla helgina og þá kannski á ég eftir að skilja aðeins í því sem ég er að gera. Já gamla góða sveitaloftið hefur gert mörgum gott og ég er viss um það bjargi málunum. Nema kannski að maður fái sér einn eða tvo bjóra það er möguleiki að það verði mér að falli en ég vona ekki. Annars er ég nokkuð viss um að harðstjórinn hún Jane muni grípa í taumana þá. Já hún er ekkert lamb að leika sér við ef það fýkur í hana. En vissuð þið það að það hefur oft fokið í margan góðan veðurfræðinginn. Ég veit að þið skiljið þetta ekki öll enda ekki furða þar sem þetta er mikið djúpur húmor.

Þið eigið enn eftir að gefa mér bíl !!! Bless .. BT ..

Æm bekk eftir langt frí ...

2004-09-29T09:40:00.000Z

Já jæja ég er búinn að hanga í fríi frá ykkur undanfarið því það er búið að vera tryllt að gera hjá mér, bílív itt or nott ... En allavega þá eru að byrja miðannarpróf núna og það held ég að sé alveg á hreinu að þau eru ekki að fara að hífa mig upp í lokaeinkunn en sem betur fer geta þau ekki dregið mig niður. Það er ekkert grín að þurfa að einbeita sér að þessu og svo er verið að fara bjóða í íbúð. Já draumaíbúðin er fundin. Það er nú ekkert merkilegt að við höfum fundið íbúð útaf fyrir sig það sem merkilegra er að langsvalasti poppari landsins á heima þarna núna og hann tók á móti okkur að skoða í gær.

Hver man ekki eftir smellum á borð við: Skjóttu mig í nótt, Nákvæmlega, Myndir og Birta. Já það er enginn annar en Gunni Óla sem við erum að tala um. Skímó Skímó Skímó ... nei ég er nú bara að hrella ykkur en samt Gunni Óla býr þanna og hann er kjúl..

Já jæja ég er ekkert að blogga meira núna því þið hafið ekkert gott af því eftir svona frí.. jess jess BT ..

Vantar Vísó

2004-09-21T08:46:00.000Z

Já það er nú bara þannig að mig vantar vísindaferð næsta föstudag. Þegar það er þannig að Jane vonar að það sé vísó svo til að ég geti farið í það þá er ekkert annað en að krossleggja fingur og vona hreinlega. Því hversu góðar geta konur orðið þegar þær eru að vona að maður fari á fyllerí ??? Já ég held að þetta sé málið. Hvernig er það er ekki hægt að óska eftir að það verði vísó ??? Leggjumst nú öll á eitt og suðum um þetta ... BT ... Hey og já gefið mér bíl .

Brennivín er BÖL

2004-09-20T10:12:00.000Z

Ég er alveg búinn að komast að því að brennivín er (b)öl... Mig langar ekki í meira. Lá allan laugardaginn og var að komast á réttan kjöl um hálfníuleytið þá fæ ég hringingu og mér er boðið í frían bjór. Þá er ég nú ekki vanur að láta á mér standa. Þetta kostaði það að ég datt í það líka á laugardagskveldið og ég átti að fara að vinna á sunnudeginum. Ef ég sé búinn að lofa mér í vinnu þá svík ég það ekki svo að ég fór veikur af þynnku að vinna. Sjitt fokk hvað það var erfitt. En eftir nokkra klukkutíma og líter af kaffi og smá nikótínmynntur þá rétt náði ég að klára það sem var lofað.

Jæja svo var blessuð íbúðin skoðuð og hún er soldið töff. Svo að það er búið að kalla út heilan flokk af liði til að taka hana almennilega út. Ef við svo fáum grænt ljós á að íbúðin sé í lagi þá er ekkert annað eftir en að bjóða í hana bara. Og viti menn ekki væri það nú hægt nema af því að ég er búinn að selja bílinn... já það verður nú sárt að sjá á eftir bílnum en hvað með það þetta er bara bíll.

Já það eru mikil tímamót í mínu lífi þar sem ég er að byrja í skóla, ætla að selja bílinn án þess að kaupa annan (fæ afnot af Hondunni hennar Jane), og svo að fara að kaupa íbúð :S ... þetta er nú aldeilis. Hvar endar þetta bara ???

Jæja ég er svo að drepast í maganum núna að allt ljóst í kringum mig er að verða brúnt ... bið að heilsa í bili ... BT

Þetta er nú meiri geðveikin ...

2004-09-17T10:03:00.000Z

ég er ekkert vanur þessu. Það er svo mikið að gera hjá mér núna að ég er ekkert viss um að komast yfir allt sem ég þarf að gera. Það er náttlega númer 1, 2 og 3 að fara í ríkið. Svo er að borga stöðumælasekt. Mjög svekkjandi. Svo er að kaupa sokka, nærbuxur og helst einn bol fyrir kvöldið mikla. Svo þarf ég að fara niðrá Fréttablað til að setja auglýsingu í blaðið á morgun til að reyna að losna við blessaðan bílinn. Svo þarf ég að kaupa varahluti í BMW-inn hjá Miklum Meistara. Svo er sennilega eitthvað meira sem ég þarf að gera en er búinn að gleyma. Já og alveg rétt ég er að fara skoða íbúð með henni blessaðri GI Jane. Jú gömlu hjúin eru að fara að kaupa sér íbúð bara ... jú og sjitt þetta er endalaust ég á eftir að klára skiladæmin mín í stærðfræði sem eiga að skilast fyrir kl. 17:00 í dag.

Eins og þið sjáið er þetta miklu meira en góðum hófi gegnir. Eruð þið með einhverjar lausnir á þessu til að auðvelda þetta? Mér er búið að detta í hug að hrynja bara í það og gleyma þessu en það er náttlega ekki neitt varanleg lausn. Ég ætti kannski bara að koma mér úr þessum stærðfræði fyrirlestri. Nei ég kann ekki við það. Ég finn náttlega eitthvað útúr þessu svo að þið þarna úti þurfið ekki að örvænta fyrir mína hönd. En ég vil samt þakka þeim sem voru farin að stressa sig eitthvað. Jæja ég þarf að fara að fylgjast með stærðfræðinni ... BT

Shitt hvað það verður sveitt fyllerí á föstudaginn ...

2004-09-16T21:47:00.000Z

Þá er alveg búið að setja saman dagskrána fyrir föstudagskvöldið. Það verður byrjað að sulla niðrá Kvía og svo verður farið í fría bjórinn eftir það er allt orðið þokukennt eins og maður verður hvorteðer farinn að sjá allt í þoku þegar þar að kemur. En allaveg hlakka ég það mikið til að ég á eftir að eiga erfitt með að sofna eins og í gamla á þorláksmessu þegar maður var lítill. Já það var nú mikill spenningurinn í manni á þollák í denn.

Jæja nenni ekki meir í bili ... BT

Jæja nú er planið sett...

2004-09-15T13:55:00.000Z

... fyrir næstu helgi. Eða svona það eru komin drög að dagskrá. Þetta leit illa út á tímabili þar sem engin vísindaferð er á dagskrá fyrir snillingana í TD. En þar sem við bræðurnir erum nú svipað þyrstir oftast þá ætlum við að sameinast yfir nokkrum vel kældum og rúlluðum Erdinger-um. En þetta með rúllaða hlutann skilur enginn nema alvöru Erdinger maður. Svo eftir að hafa verið á Kvíabryggjunni að sötra þá er stefnan væntanlega sett niður í Aðalstræti í höfuðstöðvar Frjálslynda flokksins. Já þið eruð væntanlega mörg hver hissa á því að hann Björgvin sé að fara að blanda sér í stjórnmál en það er ekki alveg svoleiðis. Þannig er það nú að ég veit að það verður allt fljótandi í bjór þar þetta ágæta kvöld svo að ég ætla aðeins að nota fölsku forsendurnar mínar til að ná mér í nokkra kalda...

Þannig er það nú enn sem komið er. Ég veit að það er bara miðvikudagur í dag en ég er farinn að titra alvarlega mig er farið að langa svo mikið í bjór. Stærsta ástæðan fyrir því er náttlega ofþurrkurinn sem átti sér stað seinustu helgi. Ég hef ákveðið að láta þetta gerast ekki aftur á næstunni. En jæja ðets itt for túdei itt síms... BT

Jæja nú þarf að fara að sprikla...

2004-09-13T17:27:00.000Z

Það eru komin 2 kíló á kallinn aftur og þá er sko kominn tími til að reyna að fara að klára það sem byrjað var á í vor. En það var einmitt ætlunin að ná af sér 20 kílóum og það fóru 10. En það eru komin 2 aftur og það þýðir að ég þurfi að ná af mér sirka 12. En ég verðu nú alveg sáttur ef ég næ mér niður um svona 7 kannski 8.
En þá myndi ég enda í sirka abát milli 77 og 80. Svo megið þið reikna bara restina. En semsagt nú er ég á leiðinni í ræktina og ætla að sprikla af mér rassgatið... eða belginn öllu heldur.

Svo um helgina koma aftur kannski einhver grömm þar sem ég ætla að vera mega duglegur í bjórnum. Ég á það alveg skilið skal ég segja ykkur. Og já kannski ætla ég bara að kaupa mér soldið magn af Erdinger. Svo datt ég í lukkupottinn áðan því að ég fékk megagott verkefni niðrá verkstæði til að bjarga peningahliðinni á helginni. jess jess ... jæja étið ykkur feit blúbbssss BT.

bloggfokkingrusl

2004-09-11T18:24:00.000Z

Þetta er alónýtasti búnaður sem ég hef reynt að nota þetta bloggrusl. Þessi síða er algjört rusl. Margbúinn að reyna að blogga og það kemur ekkert inn. En allavega þá stefnir allt í að þetta verði þurr helgi. Sem er merkilega fyrir þær sakir að ég hef ekki á eina slíka í laaaaangan tíma. Það er aðallega ein ástæða fyrir þessu það er helvítis þynnkan. Hún er killer. En allavega mjög feginn að vera ekki þunnur vann ég áðan niðrá verkstæði og bjó mér til fullt af péníngum og ekki veitir af þar sem ég er þekktur fyrir það að vera blankur.

Samt djöfull langar mig í bjór. Ég hefði átt að fara í Ríkið. Jæja það þýðir ekki að svekkja sig á því. Það eru miklar líkur á því að ég bæti mér þetta bara upp næstu helgi ef við við lítum á tölfræðina bara. Jæja meltið úr ykkur magann ... yfir og út BT ...

Hvað haldið þið ?

2004-09-08T15:17:00.000Z

Er ekki bara vísó á föstudaginn ... er þá nokkuð úr vegi að víkja og svo framvegis??

Ég held að ég sé farinn að djamma kannski aðeins of mikið allvega finnst sumum það og mér að vissu leyti líka. Þar sem þynnkan hefur nærri gengið af mér dauðum undanfarnar helgar er ég alveg á báðum áttum hvort ég eigi að fara í þessa vísindaferð. Ég samt ákvað það að ætla í allar vísindaferðir sem ég mögulega gæti farið í á meðan þessari skólagöngu stæði. Svo ég er á báðum áttum < > eins og þið sjáið. Ég er nú samt búinn að skrá mig það er ekki að spyrja að því. Æ ég veit það ekki. Kemur í ljós bara...

Stærðfræðin gæti hugsanlega farið að smá skríða núna áfram þar sem ég ákvað að byrja að lesa bókina og fá einkatíma hjá GI Jane sem hefur yfir massastærðfræðikunnáttu að ráða. Svo er bara að mæta í alla mögulega aukatíma í forritun sem eru í boði þá er ég á grænleitri grein held ég þó svo að hún sé ekkert eins og engi á litinn. En jæja ég ætla ekki að angra ykkur meira ... yfir og út BT .

Loxins loxins ...

2004-09-08T10:28:00.000Z

Jæja loxins ætlar eitthvað að ganga upp. Aðeins já aðeins ekki mikið en samt eitthvað er farið að ganga með helvítis stærðfræðina. Það virðist bara þurfa sottla sérkennslu og smá þolinmæði þá kemur þetta. Svo er bara að vera duglegur í sérkennslunni í forrituninni þá er þetta eiginlega komið bara. En það er ekki alveg jafn hátt á manni risið eins og var vegna þess hve mikla sérkennslu ég þarf. Ég hlýt að vera svolítið vangefinn en það er allt í lagi...

En er ekki best að hætta þessu og fara að fylgjast með fyrirlestrinum í forritun ?
Jú ég held það - hafið það skítt þangað til næst óver end át ... BT

Æ hvað þetta er eitthvað erfitt

2004-09-06T15:31:00.000Z

Þessi blessaða stærðfræði. Það stefnir allt í að þetta verði erfitt og að ég þyrfti axjúallí að fara að lesa og svona. En þetta er jú víst vinna þetta skólasýstem ...

Allavega er þetta erfiðara en sumir héldu. En þá þarf náttlega bara meira að taka á því í staðinn. Nú er ég bara að bíða eftir að fá aukakennslu í forritun. En það er eitthvað sem ég verð að fá til að geta skilað inn skilaverkefnum í þessu blessaða fagi. Það væri fínt ef ég kæmist svo bara yfir aukakennslu í stærðfræðinni líka. Þá myndi þetta nú allt saman sleppa vel fyrir horn.

En jæja þetta kallaði ég yfir mig og er ekki farinn að sjá eftir því enn. Hafið það skítt þangað til seinna .. BT

Sjitturinn maður hvað það er hægt að verða þunnur

2004-09-05T23:58:00.000Z

Eins og ég gerði ráð fyrir í gær þá er ég búinn að liggja í allan dag eins og steik. Þetta er alvarlegt mál að verða og ég er ekki alveg viss hvað skal gera í þessu. Svo þegar maður er búinn að taka að sér vinnu eins og að skúra þetta fokking verkstæði þá er ekki hægt að klikka á því. En við frúin drifum okkur í það að skúra og kom hún sterk inn sem verkstæðisskúrari. Ætli það sé ekki bara best að láta hana um þetta í framtíðinni.

Svo á morgun er ég að fara að skoða hugsanlegan arftaka Patrólsins. BMW 325 IX sem er ekki leiðinlegt en svo kemur það bara í ljós hvort að þetta sé eitthvað hræ eða almennilegur gamall góður E 30 ...

Jæja ég held að ég sé bara best geymdur í rúminu núna svo að hafið það bara skítt þangað til næst yfir og út .... BT

Sjitturinn titturinn og svo famvegis

2004-09-05T20:21:00.000Z

Jæja það var tryllt djamm í gær með öllu tilheyrandi. Fondú boðið heppnaðist vel og það kviknaði ekki í pottinum. Það var mikið fyllerí á manni og svo var farið í bæinn á Prikið eða The Stick. Það var fínt. Samt alltof mikið fyllerí og svo er ég búinn að liggja bókstaflega í allan dag án þess að geta hreyft legg né lið. Ég hata það að vera þunnur og nú er ég hættur að drekka ... allvega fram á næstu helgi.

Þetta er það sem maður kallar að fokka sér upp ...

BT.

BT